Martes. 28.09.2021
El tiempo

Carballo

#SoandoconForza: Eirís, o carballés que estivo de xira por Corea do Norte

Lembramos o músico carballés, que estivo de xira por Corea do Norte.

Xosé Manuel Eirís, estivo marcado artísticamente por un concerto de Amancio Prada (co que máis tarde entablaría amizade) celebrado no instituto Alfredo Brañas de Carballo, en Decembro de 1975.

Pertenceu á coral Polifónica de Bergantiños e ós 16 anos de idade, xa construía zanfonas (chegando a restaurar algunha para o Museo Provincial de A Coruña).

Aínda que en Carballo sempre houbo ambiente de música, Eirís nunca se chegou a sentir integrado en este movemento, do que serían os principais representantes Xocaloma.

O 7 de Abril de 1993, Xosé Manuel Eirís sae de xira para Corea do Norte, onde participaría no festival de Abril de Pyongyang (a capital do país). O festival que durou 7 días, tivo lugar nun teatro. O acto estivo organizado polo goberno coreano e Eirís foi o único artista español. O músico carballés estivo acompañado de unha formación composta de piano, contrabaixo e percusión.

Ademais de Corea do Norte, Xosé Manuel Eirís ofreceu concertos en outros países como Italia, (pasando por Florencia e Perugia os 24 e 25 de xullo de 1987), Francia, Alemaña e Portugal (Madeira), onde Eiris toca “Ai amante” e “Levo pro mar un tormento” (do seu disco “Ese Lago Inmenso”), sendo os temas que representaron a TVG no festival Circo Música 89.
As últimas actuacións fixoas co grupo de O Porriño Na Lúa, cos que actuou por toda España, Portugal e Francia.

Xosé Manuel Eirís, deixóunos en 1996 ós 37 anos de idade.

EIRIS - ESE LAGO INMENSO

  • Xullo de 1988 (Único LP gravado por este cantautor carballés).

As cancións son dous poemas de Eiris e o resto, de escritores como: Álvaro Cunqueiro, Albert Ponteou ou o portugués José Pacoal.
Malia que a Eiris se asocia coa zanfona, en este disco só ten lixeiros toques de este instrumento.

Outras novas de música

#SOANDOCONFORZA

#SoandoconForza: Eirís, o carballés que estivo de xira por Corea do Norte