Mércores. 15.07.2020
El tiempo

#CORONAVIRUS

Solicitan material de limpeza do Prestige para o Hospital de Cee

Proteccion Civil de Carnota xa levou unha marea de material ao Hospital Virxe da Xunqueira
Proteccion Civil de Carnota xa levou unha marea de material ao Hospital Virxe da Xunqueira
Solicitan material de limpeza do Prestige para o Hospital de Cee

Os Concellos de Fisterra e de Cee, ademais de diferentes profesionais dos Hospital Virxe da Xunqueira, están facendo un chamamento polas redes ante a escaseza de material sanitario do centro sanitario ceense (aseguran que isto non quere dicir que haia máis casos positivos, en todo caso).

Así, piden a particulares, ferreterías, bazares, tendas, confrarías, concellos… para que fagan entrega de calquera material do que dispoñan, tales como batas/fundas/monos desbotables, “mascarillas”, luvas, pantallas de seguridade…
Lembran, por exemplo, aquelas batas brancas do Prestige que poden seguir gardados nos faiados, e que poden ser de moita axuda nestes días de crise sanitaria polo coronavirus.

Poden poñerse en contacto cos concellos (Fisterra no 981 740 001; Cee no 981 74 51 00) para recollelos e trasladalos tanto ao Hospital ceense como para o PAC de Vimianzo.

Por outra banda, o Concello xunto a Cruz Vermella e a Unidade Pastoral de Cee puxo en marcha un programa de voluntariado dirixido a maiores ou persoas en situación de especial vulnerabilidade para atender as necesidades básicas como a compra de alimentos, medicamentos ou produtos de primeira necesidade. As persoas que o necesiten poden poñerse en contacto de luns a venres e de 9.00 a 13.30 horas chamando ao teléfono 981 74
51 00. Fora deste horario aos móviles 663 52 32 50; 663 52 32 05; 663 52 32 06

Carnota, a primeira en colaborar

O Concello de Carnota foi o primeiro en reaccionar, e a través de Protección Civil e a Policía Local xa puxo disposición do centro sanitario ceense todo este material recuperado dos galpóns municipais dos tempos do Prestige: 4.000 paquetes de calzas e gorros; 120 fundas; 30 EPIS con funda, pantalla, máscara e guantes; 100 máscaras FFP2; 1.050 pantallas de protección de diferentes modelos e 200 pares de guantes de plástico.
Asía mesmo continúan recollendo material da veciñanza.

Novas novas do Coronavirus

comentarios