Unha ración de porco celta para completar a formación rural do Fonteboa

Costa da Morte cine viejo

10:50 03/04/14

Cesar Perez da Asoporcel explicando o porto celta

Falabamos onte da carencia formación hostaleira na zona. E hoxe toca sobre formación rural, pero en clave positiva. Xa se ben sempre dicimos que tería que haber máis Centro de Formación Rural, o que temos na bisbarra, cada día nos demostra o ben que traballa.

Esta semana imos cos rapaces do Centro de Promoción Rural – EFA Fonteboa a coñecer unha granxa de porco celta auténtico. Da man de César Pérez, da Asoporcel, un grupo de alumnos desprazouse ata Porto do Son para ver in situ o aproveitamento a través do silvapastoreo de porco celta, para a limpeza do monte mancomunal do monte Nebra.
Un beneficio doble: o porco crece de xeito natural e o monte queda máis limpo.

Explotacion de porco celta en Porto do Son

Son estas as vivenzas das que máis se aprende e iso o teñen moi claro no centro coristanqués que non para de artellar saídas e visitas organizadas. Como o grupo de alumnos de 2º FP que estivo un mes nun stage profesional en explotacións francesas, ou a participación no Proxecto AVAL XOVENES, tentando mellorar a explotación hortícola Os Caseiros.

E reciben tamén no Fonteboa. A pasada semana foron partícipes dun encontro do Proxecto Leonardo STRAT Training que se celebrou en Santiago. Técnicos de Grecia, Francia, UK, Dinamarca e España estiveron unha semana traballando na materia, pensando o mellor para os alumnos.

E como non, non podemos esquecer o noso proxecto favorito, o que máis os achega á terra, como é do Sabor Emprendedor, que os leva tódalas semanas cos seus produtos de hora ao mercado de Carballo.