Seguen os centros educativos da bisbarra internacionalizándose. Vimos hai pouco aos alumnos de Camariñas intercambiando experiencias coa Young People europea, e xa demos conta da participación do IES Fernando Blanco no Young Business Talents do ano pasado. Este curso volven dous grupos de alumnos do centro ceense clasificarse para a final do concurso Young Business Talents.

Eran máis de 200 equipos os que participaron na primeira fase, galega, do certame. E só pasaron á gran final 14 equipos de toda Galicia, entre eles 2 equipos formados por alumnos e alumnas do IES Fernando Blanco.

Estes equipos, formados por alumnado de 2º do Ciclo Superior de Administración e Finanzas e estiveron asistidos polo profesor Rogelio Pesqueira, son o "DERAZA" que acabou de 3º clasificado, está formado por: Rocío Canosa López, Iria Martínez Pérez, María Ángeles Martínez Pérez e Elisa Suárez Alvite.

O outro equipo clasificado para a final, no posto 11º, é "LOJODUJU", este equipo está integrado por: Juan Cambeiro Otero, José Lago Barreiros, Lorenzo Pérez Oroña e Eduardo Rivas Insua.

Temos que salientar que houbo máis equipos participantes do IES Fernando Blanco, tanto do Ciclo Medio de Xestión Administrativa como do Ciclo superior de Administración e Finanzas, pero foron quedando eliminados nas distintas fases.

Fase Finla

A capital de España acollerá a última fase que se realizará os días 13 e 14 de abril e que contará con 22.000 euros en premios que se repartirán entre os 25 mellores equipos.

Aquí queda unha mostra de como foi a cita do ano pasado:

Novas relacionadas

• Camariñas intercambia experiencias coa Young People europea.
• 2012: Un grupo de alumnos do IES Fernando Blanco na Final do Young Business Talents.
• En marcha as Becas Fernando Blanco.
• A Fundación Fernando Blanco renova as súas becas coa axuda de Bazarra.
• A Fundación Fernando Blanco artella o I Concurso de Relatos Curtos xuvenil.

Fonte

• Nota de prensa de Consuelo Trillo Lago, Directora do IES Fernando Blanco.