Pouco a pouco as festas típicas de verán danlle paso ao teatro na #Axenda da Costa da Morte. Carballo será esta fin semana o centro de referencia culturalmente falando coas distintas citas que se enmarcan dentro do FIOT, que vai xa pola súa 26ª edición. Tamén será unha boa fin de semana para practicar actividades ao aire libre e, como non, visitar os principais referentes turísticos da comarca. Parte costeiro de 4gotas A fin de semana virá dominada pola presenza das altas presións, pero amenazadas por unha borrasca ao oeste de Irlanda que enviará varias frontes frías. Só na noite do venres unha delas deixará algo de chuvia, moi pouca. No resto da fin de semana veremos moitas nubes medias e altas. O ceo estará branco durante moitos momentos da fin de semana. Noutros lucirá o sol. Haberá bastante humidade polo que falaremos de bochorno na horas centrais do día, sobre todo o venres.

Fiot

• "La Zanja" de Titizina Teatro. O teatro volve esta noite ao Pazo da Cultura de Carballo. A cita comeza ás 21 horas e a taquilla abre 90 minutos antes da función. O custe das entradas é de 8€.
• Rúa dos Contos. A cervexaría Agora acolle esta noite, a partir das 23 horas, un monólogo de Pepe Capelán que trae "Contos dun rapaz de aldea". E un pouco máis tarde, ás 00:30 horas, o pub O Patacón trae "Carta de Ajuste", un concerto que fusiona a música e a comedia.
• "La Ternura"de Teatro de la Ciudad e Teatro de la Abadía. O sábado, ás 20:30 horas, comeza terá lugar no Pazo da Cultura carballés unha comedia na que os protagonistas serán os leñadores e as princesas.
• Rúa dos Contos. A actriz Marta Lado estrea este sábado o seu monólogo "O Ás para matar o 3".  O espectáculo comeza ás 23 horas en A Barra Bar.
• Otni no Fiot. O domingo estreáse no Pazo da Cultura a obra "La Última Cena" de Reckless Sleepers & Atresbandes.

Teatro

• Teatro no Camiño en Muxía. Hoxe chega a Muxía a actividade de Turismo da Xunta de Galicia “Vive o Camiño”. Xa dende pola mañá estará no Cabo da Vila a mostra que acompaña e actividade e ás 18:30 horas, no mesmo sitio, Isabel Risco e Fran Rei interpretarán a obra "Dous no Camiño".
• Mañá, a casa da Cultura de Corcubión acolle a obra "Sopa de Sapo" de Talía Teatro. A función comeza ás 19 horas.
• Teatro en Baio. O grupo "Sen Tempo Teatro"  - da escola municipal de teatro para persoas adultas do concello de Zas - presenta este sábado a obra "Unha de romanos".  A función comeza ás 21:30 horas no auditorio de Zas.
• Teatro no Camiño en Fisterra. A actividade "Vive o Camiño" pecha o domingo a súa xira. Será ás 18:30 horas na praza da Constitución de Fisterra onde actuarán Isabel Risco e Fran Rei coa súa obra "Dous no Camiño" e tamén tocará "Caxade".
• "Agora en serio" é no nome do espectáculo co que Marcos Pereiro e Xosé Antonio Touriñán percorren as vilas galegas para repasar os seus quince anos de traxectoria xuntos. Mañá, ás 21 horas, estarán na casa da Cultura de Vimianzo.

Festas

• A Aldea do Couto celebra mañá e o domingo as festas do Sacramento con moita música tradicional.

Exposicións

• Castelo de Vimianzo. A fortaleza así como a súa mostra de artesanía ao vivo pódese visitar martes a domingo de 10:30 a 14 e de 16 a 19 horas. Visitas guiadas gratuítas: sábado e domingo ás 12 e ás 19 horas.
• Conxunto etnográfico do Mosquetín. O conxunto de muíños e batáns do Mosquetín abre as súas portas todos os días da semana dende as 11 horas ata ás 18 horas. Os sábados e os domingos hai visita guiada ás 13 e ás 18 horas.
• As Torres do Allo, en Zas, abre sábados e domingos e festivos  (de 11 a 19 horas). Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.

Outras citas

• Cine en Fisterra. Esta noite remata o ciclo de cine de verán posto en marcha polo concello de Fisterra. Cita está dirixida ao público adulto e será ás 20:30 horas no salón de actos do concello coa proxección da película "A praia dos afogados".

Fonte

• Redacción QPC (info@quepasanacosta.com)