Coma sempre, un ano máis, cheo absoluto no Festival de Nadal da Escola Municipal de Música de Carnota. Onte mércores 19 de decembro celebrouse a tradicional festa musical e un salón de plenos do Concello ateigado de xente, desfrutou dunha hora e media de música variada e de grandes artistas.

Explicaron os mestres que neste festival sempre son protagonistas os alumnos/as máis pequenos da ESMU, deixando aos maiores para o de fin de curso.

Houbo actuacións de solistas, instrumentistas, corais, agrupacións e combos, pero a “guinda do pastel” puxérona a Coral Polifónica da ESMU xunto co grupo de Folk da ESMU, que achegando diferentes estilos musicais, lograron porlle os pelos de punta a máis de un no público.

A partir do venres 21 a ESMU pecha por vacacións, retomando as clases o martes 8 de xaneiro de 2013.

Novas relacionadas

• Carnota promove unha nova feira de produtos locais.
• Verán 2012: Cheo absoluto no fin de curso da Escola de Música de Carnota.
• Verán 2012: Carnota non esquece as raíces.
• A Escola de Música de Carnota salvada con apoio empresarial.

Fonte

• Escola de Música de Carnota.