Foi o Concello de Vimianzo o que nos avisou, pero son todos os Concellos da volta os que xa poden ofertar os seus Cursos de Lingua Galega preparatorios para as probas de niveis Celga 1, Celga 2, Celga 3 e Celga 4.

Aínda que os cursos se realizarán nos meses de abril e maio, aquelas persoas interesadas en realizar o curso de lingua galega preparatorio para as probas Celga 4, deben preinscribirse durante esta semana na Casa da Cultura, ata o 21 de febreiro. O número mínimo de preinscricións para que a Secretaría Xeral de Política Lingüística conceda o curso é de 20 alumnos.

A principal novidade ao respecto dos anos anteriores é que poden participar neste curso as persoas maiores de 16 anos, ou que os fagan no presente ano 2014.

Máis información

• Secretaría Xeral de Política Lingüística: Cursos de Lingua Galega [pdf].

Fonte

• Concello de Vimianzo.