As exposicións permantes enchen de actividade a #AxendaCostadaMorte

03:10 13/01/17

Tras unhas festas do Nadal cargadas de actividades para toda a familia, a #AxendaCostadaMorte volve á normalidade. Antes de facer un repaso ás citas máis importantes desta fin de semana, dámoslle unha ollada o parte costeiro de 4gotas.com. Hoxe haberá algún chaparrón puntual durante calquera momento do día, serán máis frecuentes entre Malpica e Camariñas e nos arredores de Vimianzo e menos frecuentes entre Fisterra e Muros. Baixarán as temperaturas polo que será un día frío, con máximas de 8-9 graos no interior e uns 11-12 na costa. Mañá sábado serán máis espalladas as chuvias. Outra vez máis frecuentes no litoral norte da Costa e o interior. Mesmo nos puntos máis altos do interior poderían ver auganeve de xeito moi puntual, posto que o sábado volverá a ser un día frío e cunha cota de neve situada nos 700 metros nas primeiras horas do día. O domingo xa non debería chover e subirían 1-2 graos as temperaturas. Esas chuvias de toda a fin de semana virán misturadas con bastantes momentos de sol e ollo ao mar. Hoxe haberá ondas de 5-6 metros (especialmente no norte) e irá baixando pouco a pouco ata o domingo, cando haberá 3-4 metros.E moi atentos ao tempo a partir do vindiero martes/mércores posto que é moi previsible que baixen moito as temperaturas... Exposicións

A tenda Stoupa (siuada a 100 metros do cemiterio vello de Cee) acolle unha exposición escultórica do ceense Manuel Canosa. Pode visitarse de martes a sábado en horario de 11 a 14 horas e de 17 a 21 horas e os domingos de 11 a 14 horas.
Castelo de Vimianzo. A fortaleza así como a súa mostra de artesanía ao vivo pódese visitar todos os días da semana en horario de 10:30 a 14 horas e de 16 a 19 horas.
As Torres do Allo, en Zas, abren todos os venres, sábados e domingos de 11 a 19 horas. Ademais, o pazo acolle unha mostra de pezas de Olería de Buño.
O faro Vilán acolle ata o 26 de febreiro a exposición "Casa de Luz, grabados" de Mariano Castillo. Pode visitarse en horaio de 11 a 14 e de 16 a 18:3o horas.
No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.

Charlas

Tras a proxección do documental "Kaolines de Lage, S.L.", o xeólogo Juan Ramón Vidal Romaní ofrecerá unha conferencia no museo do Mar de Laxe ás 19 horas de mañá sábado. Esta actividade enmárcase dentro do programa Relaxese que pretende desestacionalizar o turismo.

Festas