Esta será unha fin de semana cargada de festas en toda a Costa da Morte nas que os actos litúrxicos mistúranse coa gastronomía e o verbeneo. Ademais, a #Axenda trae citas para esta fin de semana como rutas de sendeirismo e roteiros gastronómicos. Antes, os amigos de 4gotas.com cóntannos como vén o tempo: O venres irase achegando unha fronte fría, pouco activa, a Galicia. Irán aumentando as nubes na Costa da Morte e na tarde orballará. O fará ata a madrugada e xa cando comece o sábado as nubes irán a menos. Acabará predominando o sol no mediodía do sábado, pero cun descenso das temperaturas máximas que se quedarán entre os 18 graos de Malpica/Carballo e os 22 de Carnota/Muros. Na noite do sábado volverán as nubes e o domingo poderían deixar algún chaparrón moi feble e pasaxeiro no final da mañá entre Muros e Fisterra (moi pouquiña cousa se chega a caer). Seguirán as nubes no mediodía e abriranse grandes claros na tarde. Iso si, todo apunta a que as chuvias voltarían o luns. E é que xuño comeza como rematou maio, con moitos cambios no tempo dun día para outro...  

Festas

• Camelle acolle dende hoxe e ata o domingo as festas do Espíritu Santo. Kienlodiría, Son d'Vigo, Israel Espectáculo, Nebraska, Atenas,... serán as formacións encargadas do verbeneo.
• En Olveira (Dumbría) celebran mañá as festas de Santa Lucía. A verbena estará amenizada polas orquesta Jerusalén e Gran Parada.
• Na Pereiriña, en Cee, teñen todo organizado para a gran xuntanza da xuventude de mañá. Haberá porco ao espeto e durante a verbena actuarán Ritmo Joven e Capitol.
• En Muros (Campo de Cortes) celebran dende mañá e ata o luns as festas do Espíritu Santo.
• O Sporting Seaia organiza para este sábado a festa do socio cunha boa churrascada a partir das 20:15 horas.
• Fisterra acolle as festas do Buen Suceso durante hoxe e mañá onde non faltarán os actos litúrxicos nin a música.
• En Lamas (Zas) celebra esta fin de semana as festas da Milagrosa. Palladium, Dilema e Trova serán os encargados de amenizar o baile.
• A París de Noia amenzará a verbena de mañá en Coiro (Mazaricos) dentro das festas do Anxo da Garda. A festa continuá o domingo.

Teatro

• O salón de actos do concello de Fisterra acolle esta tarde - ás 20 horas - a mostra de teatro de fin de curso do taller municipal. A programación continúa o domingo, día 4, no porto da vila co show "Mellor, Mellor" de Gallaecia All Stars.

Rutas de sendeirismo

• As Andainas Costa da Morte percorren este sábado os muíños de Cambeda, no concello de Vimianzo.
• A 8ª edición da Primavera en Ruta de Senda Nova remata este domingo cun roteiro - de 22 quilómetros - que discorre polo río de Sofán.

Exposicións permanentes

• Castelo de Vimianzo. A fortaleza así como a súa mostra de artesanía ao vivo pódese visitar todos os días da semana en horario de 10:30 a 14 horas e de 16 a 19 horas.
• As Torres do Allo, en Zas, abre sábado e domingo de 11 a 19 horas. Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.

Gastronomía

• Carballo por Etapas. Esta fin de semana chega a 5ª edición do Carballo por Etapas. 19 establecementos ofrecerán tapas especiais por 1,5€.

Outras citas

• Laxe acolle mañá dúas citas dentro do programa Reláxese. A primeira é as 11 horas cunha conferencia de Bartolomé Cánovas Sánchez - delegado do órgano de Historia e Cultura Naval do museo naval de Ferrol - que leva por título "A cultura marítima e naval en Galicia". E xa pola tarde, ás 19 horas, Miguel San Claudio Santa Cruz - arqueólogo e submarinista - falará do "Patrimonio subacuático na ría de Laxe" e vistarase a tumba da familia Dowell.
• O restaurante Praia de Quenxe, de Corcubión, volve a abrir as súas portas. Farao hoxe, a partir das 19 horas, cunha gran festas de inauguración.
• O centro social de Cee celebra esta fin de semana un Festival no que non faltará a música e o baile tradicional, o teatro nin o humor.
• XXXVI Día da Muiñeira de Carballo. Este domingo, 4 de xuño, acolle o día da muiñeira organizado pola AC Nemeth no que participan unha gran cantidade de bailadores e bailadoras da

Fonte

• Redacción QPC (info@quepasanacosta.com)