Un dos edificios rescatado do pozo do feísmo con este mural no marco do Rexenera Fest Volve Carballo convetirse no centro nacional de arte na rúa, co IV Rexenera Fest, o festival de arte pública. Do mércores 23 de maio ao domingo 3 de xuño volveremos ver grandes guindastres polas rúas que non servirán para rematar obras de construción, se non para facer auténticas obras de arte. Serán 10 días nos que 5 artistas (Bosoletti, Lula Goce, Doa, Daniel Muñoz SAN e Milu Correch) actuarán en cinco muros, para cambiarlle a cara a esta vila gravemente afectada polo feísmo urbanístico dos anos 60-70-80. Son o mellor da escena galega, estatal e internacional do mundo da arte urbana, que traen ademais unha serie de interesantes master classes, conferencias, un roteiro e un concerto-festa de peche.

Iniciativa pioneira, rehabilitadora e promocional

O festival, pioneiro falando en termos de ser por iniciativa municipal, serve como unha xanela de Carballo aberta ao mundo, que sitúa no mapa a vila a través das súas rúas e favorece un turismo cultural diferente na zona urbana do concello. Faino a base de rehabilitar espazos contra o feísmo urbanístico, rexenerando espazos deteriorados, achegando valor engadido á paisaxe urbanística, dinamizando o tránsito peonil e expandindo os espazos de lecer nas zonas nas que se está a intervir.

Actividades paralelas

Haberá varias master classes: - Manexo do aerosol con Spok (29 e 30 maio). - Entender a Arte Urbana con Javier Abarca (31 maio e 1 xuño). - Serie de microconferencias (2 de xuño) sobre "Cooperativismo e Muralismo" con Cestola na Cachola; "Conservación da arte urbana" co Proxecto CAPuS; "Reforestando" con Doa; "Da arte urbana aos murais. Qué perdemos?" con Javier Abarca. O mesmo 2 de xuño, como peche haberá unha sesión de música en directo con Cró!, The Fabulous Resaca Brothers (Blues Canalla); Mr. Fishman. E para rematar o Festival, nada mellor que asistir ao Roteiro guiado do 3 de xuño, polos diferentes murais desta edición e das tres anteriores. A saída será do Forum ás 17:00h, e é de balde. Tamén tendes máis información en www.rexenerafest.gal   https://quepasanacosta.gal/rexerenando-carballo-a-base-de-cor/ https://quepasanacosta.gal/dialogo-interxeracional-entre-os-muros-do-nordes-da-lonxa-de-muxia/ https://quepasanacosta.gal/as-pintadas-carballesas-seguen-derrubando-muros/ https://quepasanacosta.gal/graffitis-que-se-convirten-en-libros/