Parece convencido o Concello de Carballo de que a formación audiovisual como saída profesional de calidade para a mocidade. Por iso, está en marcha o primeiro fillo do pioneiro Festival de contidos dixitais e webseries “Carballo Interplay”, que nace en clave formativa.

Son 14 os obradoiros que están prantexados de inicio na proposta FormaCIP para desenvolver entre novembro e abril. Obradoiros que servirán para ir quecendo motores de cara á segunda edición do festival.

A directora do festival, Sonia Méndez, que precisamente salta dunha webserie á realidade laboral, quixo deixar claro que o Interplay "non só a nivel estatal, senón tamén a nivel internacional en cidades como Los Ángeles ou Roma”, e apuntou que a segunda edición (en abril 2015) será, aínda, máis ampla, con cabida a novas propostas como a webdocumental ou as curtas.

Repasou tamén os obradoiros que se van levar a cabo, todos a un custe de 20€. Os 4 primeiros obradoiros terán lugar ata fin de semana no FormaCIP e serán o "Meditacións ao redor do 'Eu'. O cinema en primeira persoa", a cargo de Eloy Domínguez Serén; "Operador de cámara HD", con Victor Rodríguez e Oscar Chamorro; e o "Iniciación á edición Profesional con Adobe Premier Pro" con Daniel Viqueira, para o que xa están cubertas as prazas. Para o que aínda hai prazas é para o taller de "Introdución ao son" con Xoán Escudero.

A partir de xaneiro continúan o resto de obradoiros, dos que se dará cumprida información máis adiante das datas, horarios, nº de prazas, etc.: "Guión para ficción televisiva", "A Arte da Cinematografía", "O xogo co actor", "Iniciación ao After Effects", "Obradoiro de Créditos", "Iniciación á curtametraxe de Ficción", "Realización de videoclips musicais", "Video experimental, novos medios e formatos", "A construción dun arquivo audiovisual local. Proxecto SOCHEO" e, para rematar, "Obradoiro sobre a remontaxe 'Carballo Termomix'".

Este é un Trailer do FORMACIP feito por Isabel Vila, que tamén impartirá un Obradoiro de Créditos dentro do ciclo formativo:

Máis información

• carballointerplay.com.

Novas relacionadas

• A formación audiovisual como saída profesional de calidade para a mocidade.
• O edificio dos 100 actos.
• As mellores webseries de España, premiadas no Carballo Interplay.
• Carballo Interplay: En marcha o primeiro Festival de Webseries de España.
• Carballo prepara a cámara para convertirse na Sundance das webseries.
• O Festival de webseries Carballo Interplay xa ten finalistas.

Fonte

• Redacción de QPC ([email protected]).