O Xiria Pop volve convertir Carballo na capital do garaxe
08:08 12/09/18
Presentación do Xiria Pop Carballo 2018
Chega máis forte ca nunca o Xiria Pop nesta a súa 21ª edición. Onte tiña lugar a presentación oficial no Concello, onde Xabier Graña debullou un programa ambicioso e cheo de calidade.
Unha cita festivaleira singular, que segue sobrevivindo da man do voluntarismo dun amante da boa música, que convirte á vila bergantiñá na capital galega do garaxe cada mes setembro.
Serán dous días de concertos (venres 14 e sábado 15 de setembro na Sala Dublín) nos que soará música de León, Chicago, Coimbra, Málaga, Alicante e Carballo, por suposto.
A banda máis potente son os leoneses Cooper, na súa única actuación en Galicia. Pero tamén os estadounidenses The Safes e os portugueses The Parkinsons son bos argumentos para mercar o abono lowcost que custa 10€ para os dous días.
Ademais, de propina, a organización armou un aperitivo para a noite do sábado. Será o Casino o que acolla ás 18:00h, comezará o grupo carballés Larkhill para que toque ás 19:00h o baixista experimental Howie Reeve.