Oxalá algún día non haxa que conmemorar o #25N como o día contra as violencias machistas. Oxalá constrúamos unha sociedade que entenda de igualdades. E oxalá que ese momento chegue pronto. Máis os arrepiantes datos que deixan as cifras da violencia de xénero semella que esa é unha meta que hai que traballala. E diso entenden todos os gobernos municipais da Costa da Morte que volcan nesta data organizando unha gran cantidade de actividades para concienciar a sociedade. Hoxe, a #axenda da Costa da Morte vístese de negro e dílle non á violencia. Botámoslle un ollo ao parte costeiro de 4gotas.com antes de debullar as principais citas da fin de semana. Hoxe será un día chuvioso. Despois das choivas da madrugada, as precipitacións continuarán na durante a mañá e o mediodía do hoxe. Na tarde serán algo máis espalladas, pero aínda pode caer algún ballón intenso. As temperaturas continuarán sendo moi suaves, pero mañá cambia a situación. Comeza a afectarnos un anticiclón que nos achegará ventos do norte-noroeste e con eles unha masa de aire frío. Haberá moito sol o sábado, pero as temperaturas non pasarán dos 15 graos. O domingo amencerá con sol e frío (mesmo con xeadas febles en puntos do interior da Costa) e irán aumentando as nubes a medida que avance o domingo (especialmente no litoral oeste), pero non debería chover ata a madrugada de domingo a luns e de xeito feble. Todo apunta a que despois volveríamos a estar varios días sen chuvias.

Actos contra a violencia de xénero

• Carballo. Hoxe ás 12 terá lugar na Praza do Concello unha concentración na que se lerá a Declaración Institucional aprobada polo pleno da corporación. Mañá realizarase un apagado simbólico do alumeado tamén na Praza do Concello.
• Camariñas. Alumnado e profesorado participan hoxe nunha concentración que terá lugar ás 11 horas de hoxe na porta do concello.
• Cee. Hoxe, ás 12 horas no salón de actos do concello, haberá unha concetración e a lectura do manifesto contra a violencia de xenero.
• Corcubión.  Hoxe ás 12:30 horas unha concentración e a lectura do manifesto diante da Casa do Concello. E xa pola tarde, ás 16 horas, os nenos e nenas de 4º, 5º e 6º de primaria da vila participarán no obradoiro de coeducación Anduriñas.
• Fisterra. O concello e os 20 negocios implicados na campaña, concentranse hoxe ás 11:30 horas no pavillón municipal.
• Muros. Hoxe ás 12:30 horas, terá lugar na praza do concello unha concentración e a lectura do Manifesto contra as violencias machistas e os integrantes de Adibismur leran a poesía “Pingas de pena”. Xa mañá, o centro cultural e xuvenil de Muros acolle – ás 21:30 horas, a obra “Helena: xuizo a unha lurpia” da man de Teatro do Atlántico.
• Malpica. O centro cívico acolle a exposición fotográfica "Por elas, por nós".
• Muros. O teatro do Atlántico trae mañá ao centro cultural de Muros a súa obra "Helena, xuízo a unha lurpia". A cita comeza ás 21:30 horas.
• Muxía. Os salón de actos de Muxía acolle mañá, ás 18:30 horas, o espectáculo "Maxia pola igualdade" da man de Fani Triana.
• Santa Comba: Esta noite, ás 22 horas, proxéctase no salón de actos do multiusos a película "No estás sola, Sara". E mañá haberá unha obra de teatro, á mesma hora e no mesmo sitio, que leva por título "Desalmad@s".
• Vimianzo.  Mañá a Biblioteca Municipal acolle un obradoiro de Contos para a igualdade para as crianzas.
• Zas: As 12:30 concentración e lectura do manifesto diante da Casa do Concello. Estes días tamén se celebra un obradoiro de Autodefensa Persoal para Mulleres no pavillón municipal de Baio.

Teatro

• Teatro en Malpica. Dentro da XIII mostra de Teatro de Malpica esta noite é o turno da obra "Foucellas" de Talía Teatro. A función comeza ás 20:30 horas.
• Teatro en Ponteceso. Mañá sábado chega ao seu fin a XXIV edición do ciclo de Teatro de Ponteceso coa obra "O caso é ter saúde" de Malasombra. A cita comeza ás 22:30 horas.
• Teatro en Fisterra. O mesón A Cantina de Fisterra acolle mañá, as 23 horas, un espectáculo de improvisación teatral a cargo da compañía "8mm teatro".

Exposicións

• Castelo de Vimianzo. A fortaleza así como a súa mostra de artesanía ao vivo pódese visitar martes a domingo de 10:30 a 14 e de 16 a 19 horas. Visitas guiadas gratuítas: sábado e domingo ás 12 e ás 19 horas.
• Conxunto etnográfico do Mosquetín. O conxunto de muíños e batáns do Mosquetín abre as súas portas todos os días da semana dende as 11 horas ata ás 18 horas. Os sábados e os domingos hai visita guiada ás 13 e ás 18 horas.
• As Torres do Allo, en Zas, abre sábados e domingos e festivos  (de 11 a 19 horas). Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.
• A Casa da Cultura de Vimianzo acolle dende hoxe a exposición “Teatro do Atlántico 30 anos actuando” na que se fai un percorrido pola traxectoria dunha das compañías máis lonxevas da comunidade. O acto de inauguración, ao que asistirá a actriz Luma Gómez e a responsable de Chiripa Produccións Eva Alonso, terá lugar hoxe ás 12 horas.
• Exposición casa da Cultura de Cee. A casa da cultura de Cee acolle até o 30 de novembro FEMME; unha exposición de fotografía sobre a muller de Senén Insua.

Sendeirismo

• Outono en Marcha. Senda Nova organiza para este domingo unha nova saída. Nesta ocasión seguirán "As pegadas do Wolframio" en Carballo e Malpica.

Outras citas

• Beber do país en Carballo. Hoxe ponse en marcha no 2º andar do Mercado Municipal de Carballo a campaña "Beber do país" co fin de dar a coñecer os viños galegos. A actividade desenvolverase ata o domingo. Instalarase un túnel do viño que permitirá que o público asistentepoida ir catando as distintas variedades e elaboracións de cada unha das adegas participantes e tamén haberá mesas redondas. Os interesados en participar pode solicitar as súas entradas no Museo de Bergantiños.
• Black Friday en Camariñas: 39 comercios participan na campaña de descontos “Black Friday”. Os establecementos participantes pendurarán das súas portas globos negros e amarelos e relizan descontos de até o 30% en moitos dos seus artigos.
• Obradoiro de regueifa no Couto. Chega ao seu fin o obradoiro de regueifa impartido por Lupe Blanco durante os sábados do mes de novembro. A cita é a partir das 16 horas na casa dos veciños.
• Conferencia sobre micoloxía en Laxe. Mañá ás 19 horas, Jaime B. Blanco Dios - divulgador científico especializado en cogumelos -  visita o Museo do Mar para impartir unha conferencia que leva por título “Novas especies de fungos para ciencia atopados en Galicia”.
• Foliada en Vimianzo. O domingo, a casa da Cultura acolle a Foliada do Río Grande na que participarán varias asociacióins da zona.

Fonte

• Redacción QPC ([email protected])