Outes prepárase para convertirse no centro da tradición mariñeira galega

Cultura Costa da Morte

08:45 11/07/13

As primeiras embarcacions tradicionais xa estan no Freixo

Falabamos a semana pasada con Xesús Mato e Manolo Sendón sobre o XI Encontro de Embarcacións Tradicionais de Galicia. I é que se trata da cita histórica-mariñeira máis importante do ano, e desta volta se desenvolve entre o 11 e o 14 de xullo no porto do Freixo, na Serra de Outes.

A cita será un compendio de actividades culturais vencelladas ao mar, que terá como punto forte a concentración de embarcacións tradicionais galegas, acompañadas doutras chegadas de Portugal, Euskadi e Cataluña. Que por certo, xa son moitas as atracadas no porto do Freixo.

Pero hai moitas máis cousas no completo programa. De feito, xa comezaba a fin de semana coa inauguración das exposicións na que Eva Veiga deixaba enmudecido ao auditorio coa súa voz. Pero a nova máis positiva chegaba da man da Xunta, que anunciaba que As técnicas técnicas construtivas das embarcacións tradicionais galegas serán declaradas Ben de Interese Cultural, gracias á labor de concienciación de dignificación da Federación Galega pola Cultura Marítima e Fluvial.

Completo programa

O xoves 11 abre o programa do Freixo 2013, coas xornadas téncnicas e a recepción das embarcacións, para disfrutar dunha sesión de navegación no mar do Freixo. Pola noite terán verbena.

I é que a música será unha das protagonsitas da fin de semana, con música galega como Sés e Terbutalina a golpe de venres ou Sondeseu e Os Cempés para o sábado.

O venres haberá tamén recital de poesía, igual que o sábado cando tamén terán tertulia. Así, ao longo dunha fin de semana onde o meirande disfrute será o ver navegar míticas embarcacións galegas.