Outra semana máis de FIOT
09:05 17/10/18
Con Isabel Risco, Pedro Brandariz e Fran Rey rematou o programa da Rúa dos Contos de Carballo no FIOT
Deixou a semana pasada un doce sabor de boca aos que disfrutaron das numerosas actividades no marco do Festival Internacional de Outono de Teatro de Carballo. Unha das citas singulares foi o peche do programa a Rúa dos Contos, que levou monólogos de primeira calidade polos bares da capital bergantiñá.
E sen tempo a descansar, este martes arrincou unha nova semana do FIOT co obradoiro do espectador, Borja Fernández. Unha sesión que serviu para coñecer por dentro o proceso de elaboración dun espectáculo sobre a emigración galega que forma este ano parte da programación OTNI (Obxecto Teatral non Identificado), e que se proxectará o venres ás 22:30 no Pazo da Cultura.
De cara á fin de semana do 19, 20 e 21, a cousa chega ben cargada, con, por exemplo a estrea do espectáculo "Pss pss", da compañía suiza Baccalá. Será este venres 19 no Pazo da Cultura, tras triunfar en más de 50 países e gañar quince premios internacionais, incluído o prestixioso galardón do Cirque du Soleil. Un espectáculo baseado na vida "clown" dos seus protagonistas, Simone Fassari e Camila Pessi, formados na Escola de Teatro Dimitri (Suiza).
También o venres e dentro do ciclo OTNI do FIOT se pondrá en escena o espectaculo "Salvador", de Borja Fernández, no Pazo dá Cultura ás dez e media da noite.
Trátase dunha obra cuxo guión está centrado na figura dos galegos que emigraron. A metade de camiño entre o documental e a ficción teatral, destaca a combinación de texto e movementos coa música en directo e o uso de novas tecnologías.
Un sábado completo
Ao día seguinte, sábado 21 de outubro, o FIOT seguirá o seu andadura con dous novos espectácus do ciclo Metro Cadrado. O primeiro, "Primeiro de nada", de Faunos, representarase Corredor do Pazo da cultura en varios pases: á unha, unha media, sete e sete e media. Paralelamente, na galería de arte Manolo Eirín o público dispondrá doutra oferta: "As vacacións máis longas", espectáculo de danza contemporánea do bailarín Diego M. Buceta.
O prato forte do sabado será a representación no Pazo dá Cultura de "Iphigenia en Vallecas", de Serana Producións, protagonizada por María Hervás. A obra versa sobre a vida dunha moza que sobrevive sen recursos e que nin estuda, nin traballa nin sabe que facer coa súa vida.
