O mes de xullo chega con forza á #AxendaCostadaMorte. Trae citas tan importantes como o Asalto ao Castelo de Vimianzo, o Fisterra Blues Experiencie e o Rockin' de Carballo ademais dunha gran cantidade de verbenas. Tamén hai citas culturais, como as visitas teatralizadas da man dos Quinquilláns que arrancan esta fin de semana nas Torres do Allo, no Castelo de Vimianzo e no Dolmen de Dombate. Antes de repasar as principais citas de ocio, detémonos no parte costeiro de 4gotas.com. O anticiclón achegarase hoxe á Costa da Morte polo que as choivas serán máis intermitentes e febles. Entre Muros e Fisterra non se esperan choivas durante a tarde e no resto da comarca hai probabilidades de que caian un ou dous chaparróns ata a noite. Xa mañá sábado, o sol irá saíndo o que provocará que as temperaturas suban algo, especialmente no sur que traerá algo de vento. O domingo será un día de praia. 

Festas

• En Nantón (Cabana de Bergantiños) celebran hoxe e mañá as festas na honra de san Pedro. Hoxe o Combo Dominicano e a disco móbil Fabrik amenizarán a verbena e mañá será o turno de Judith Cundíns e Impacto disco móbil.
• A parroquia laxense de Serantes vivirá tres días de festas do Rosario. Churrascada, orquesta Trébol, trío Jovi,... son algúns dos destacados do cartel.
• En Neaño (Cabana de Bergantiños) celebra hoxe, mañá e o domingo as festas da parroquia nas que a música será unha das principais protagonistas.
• A parroquia de Oca, en Coristanco, celebra as súas festas mañá  o domingo nas que contarán coas actuacións de Metrópolis e dous dúos.
• Na parroquia vimiancesa de Tines están sábado de celebracións na honra de san Antonio. Contarán coas actuacións de Nebraska e da discoteca móvil CDC.

Asalto ao Castelo

• Vimianzo vive este sábado a XXII edición do Asalto ao Castelo cun cartel cargado de actividades que culminan cun gran concerto. Durante todo o día haberá pinchos irmandiños, o Asaltiño, o Desfile das Irmandades Parroquiais, feira de artesanía,... e moito máis!

Fisterra Blues Experiencie

• O mellor do blues galego, nacional e internacional danse cita hoxe e mañá en Fisterra no marco do Fisterra Blues Experiencie que, ademais, trae unha gran cantidade de actividades paralelas.

Rockin'

• Mañá volve a Carballo o Rockin'; un festival de música alternativa que nesta edición homenaxea a Jimi Hendrix. Dende as 13 horas actuarán Paul Collins, Lagartija Nick, Atom Rhumba, Bala, Familia Caamagno, Chico Azul, Bento Veloso & Los Doce Trinches, Psychofonia. A entrada é de balde.

Exposicións permanentes

• Castelo de Vimianzo. A fortaleza así como a súa mostra de artesanía ao vivo pódese visitar todos os días da semana en horario de 10:30 a 14 horas e de 16 a 19 horas. Os domingos de xullo e agosto, ás 13 ás 17 horas Roi e Elvira conducirán as visitas guiadas teatralizadas do Castelo de Vimianzo.
• As Torres do Allo, en Zas, abre todos os días (de luns a venres de 11 a 20 horas e sábados e domingos de 11 a 21 horas). Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas. O domingo, ás 19:30 horas, haberá visita guiada teatralizada da man de Os Quinquilláns.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas. Os Quinquilláns guiarán as visitas teatralizadas todos os sábados do mes de xullo e agosto ás 17:30 e ás 19:30 horas.

Outras citas

• Concerto en Laxe. O gastrobar A Ventana acolle hoxe, a partir das 23:30 horas, un concerto de Andhrea and The Black Cats. A música en directo volve á Ventana o domingo á noite con Bosco.
• Festa Africana en Mazaricos. O recinto da feira da Picota acolle mañá sábado, a partir das 12:3o horas, a IX festa africana organizada pola ONG Egueire.
• Percorrido poético “Amable Ponteceso”. As librerías do concello de Ponteceso acollen este sábado un peculiar recital poético musical.
• Concerto en Fisterra. O Calma Chicha Beach Bar abre as portas de Almáminal, a banda costeira de moda. A cita é este domingo a partir das 13 horas.

Fonte

• Redacción QPC (info@quepasanacosta.com)