1ª Autonómica: Xornada positiva

1ª Autonómica: Xornada positiva

12:02 17/09/12

Moi boa a xornada para os nosos na 1ª Autonómica, con 1 empate e 3 vitorias. O Fisterra sumaba a súa primeira vitoria da temporada en Laro nun choque de ida e volta. Ademais o Ponteceso vencía a todo un Riveira que chegou e demostrar que vai estar arriba. E o trío de vitorias o completou o Malpica vencendo na casa ao Cacheiras e situándose na zona alta. Pola súa banda o Camariñas puido quedar cos 3 puntos pero leva un empate que non está de mais.

Laro - Fisterra (3-5)

FISTERRA: Joselu, Roberto, Manuel, Sergio, José, Roco, Guardiola (David, min.89), Roa, Hugo de Dios, Marco do Cabo, Aitor. Tamén: Jorge, Mané e Mario
Goles: 0-1: Aitor. 1-1. 1-2: Aitor. 1-3: Aitor; 2-3; 3-3; 3-4: Aitor; 3-5: Mané.
Lesión: Guardiola.

Primeira vitoria, e xusta, para os de Juan Jesús na nova categoría. E iso que contaba con 6 baixas importantes e tiveron que tirar dos xogadores do B, Jorge, Mario e David (porteiro suplente que tivo que substituir a Guardiola por lesión) para completar a eliminatoria. Os fisterráns comezaron mandando e pronto se puxeron con 1-3 con goles de Aitor. Pero en dous despistes o Laro conseguía empatar. Foi aí cando máis difícil o tiña, cando deu a cara o cadro verde, e Aitor e Mané, xa co tempo cumplido, sentenciaron o partido para sumar os primeiros puntos.

Unión - Camariñas (0-0)

CAMARIÑAS: Pombo, Brais Mouzo, Roi (Rodri, min.70), Julio, Carlos (Manuel, min.80), Moriño, De la Sierra (Saviola, min.70), Brais, Martín (Paco, min.65), Juan oBello e Basti.

Choque igualado que volve demostrar que o Camariñas está ben asentado na categoría. E de feito, os de Pepucho puideron levar o partido, sobre todo na 1ª parte, con ocasións para Juan oBello, que mandou ao longueiro nada máis comezar, ou Basti, que quixo regatear ao porteiro pero este arrebatoulle o balón. O Unión contou con algún tiro dende fóra pero sen demasiado perigo, mentres que os Brais de cabeza e De la Sierra amenazaban de novo a meta local. Os camariñáns protestaron unha posible expulsión dun xogador do Unión na primeria metade cando agarrou a un dianteiro camariñán que se prantaba só diante do porteiro, pero o colexiado deixouno en cartón amarelo.

Ponteceso - Riveira (2-0)

PONTECESO: Gerardo, Javi Peón (Bolón, min.90), Dani Pallas, Alberto, Jorge, Tucho, Martín Puente, Josito (Alberto Recarey, min.50), Rubén, Canai (Nando, min.60) e Mendieta.
Goles: 1-0, min.65: Martín Puente dende o borde da área pola escuadra; 2-0, min.90: Alberto Recarey dende o medio campo pola escuadra.

Os rapaces salvaron 3 puntazos do Pinguel ante un auténtico equipazo. O Riveira chegou e mandou, tocando o balón cunha mobilidade e rapidez pouco habitual na categoría, meteu atrás a un Ponteceso que soubo como aguantar o partido. Defendendo ben seguros atrás e deixando facer aos rapaces, pois os Puente e Recarey asinaron dous golazos de 1ª División. A primeira estivo controlada polo conjunto visitante, pero apenas houbo ocasións claras, máis que un par de contras pontecesás. Na segunda, un tiro dende a frontal de Puente pola escuadra, e, xa cos 90 cumplidos, un tiro dende o medio do campo de Recarey, sentenciaron o partido para os de Nacho.

Malpica - Cacheiras (2-0)

MALPICA: Víctor Martínez; David Castro, Mario Casal, Marcos Amado, Víctor, Andrés, Neucha, (Martín Uruguaio, min.81), Rancaño, David Blanco, (Juny, min.75), Alemán, (Tato, min.54), Cheo e (Charro, min.60).
Goles: 1-0, min.3: David Blanco aprveita un balón morto; 2-0, min.20: Necuha aproveita un despexe do porteiro que se queda a media saída e bate a porta baleira dende lonxe.

Desta volta si saíu enchufado o equipo de Baña e dende o primeiro minuto asumiu o mando do partido. Así, David Banco aproveitaba un balón morto tras un saque de banda para facer un 1-0 aos 3 minutos. Pronto, 15 minutos despois, era Neucha quen aproveitaba un balón mal despexado polo porteiro, que saía ante a incursión de David Blanco, para bater dende a posición do banquiño a porta baleira. A partir de aí o partido calmouse. O Malpica seguíu impoñendo o seu ritmo pero deixou o balón ao rival. Ben armados atrás e sacando boas contras con Tato e Charro como protagonistas.