Xa está en marcha a Liga de FS de Carballo, en breve estará a de Corme mentres periga a de Cee-Corcubión
Xa está en marcha a Liga de FS de Carballo, da que volveremos facer seguemento en www.futboldacosta.com. 13 equipos abriron a tempada a pasada semana e tras esta semana de parón retomarán a vindeira a competición.
Xogan martes, mércores e xoves en horario nocturno.
A de Corme, en breve
Segundo nos informa Pedro, organizador da Liga de Fútbol Sala de Corme, en breve estará en marcha, pois despois do proceso de inscrición, xa está xuntando a documentación de 17 equipos.
A de Corcubión, en perigo
Mentres, polo sur da comarca, a mítica Liga de Fútbol Sala de Cee, que en principio se ía trasladar a Corcubión por falta de organizadores, parece que corre serio perigo. Segundo nos informa Carlos Pazos, moitos equipos estanse botando atrás tras coñecer que cada xogador ten que pagar 55€ do seguro obrigatorio.
