Pois is. Esperamos que os terreos de xogo non estean tan blandos esta fin de semana. Non parece que vaia haber que regalos, pero o soliño vailles sentar de marabilla aos Carral, As Pedreiras, Rodeiro, A Grixa, Agra da Filgueira...
Parte de sancións
A nota máis interesante é a sanción de 6 partidos ao míster do Camariñas, Berto, tras desestimar as alegacións do clube por no aportar probas que desvirtúen a acta.
Preferente
Aperc. Pref: - Sergio "Doro" Prego (Dumbría).
1ª Autonómica
David Lema (Camariñas - 2 partidos).
Berto Suárez (Adest. Camariñas - 6 partidos).
Adrián García (Malpica).
Dani Cotelo (Ponteceso).
Aperc. 1ª: - Antonio Moriño Lista (Camariñas). - Martín Pérez (Baio). - Diego Collazo (Ponteceso).
2ª Autonómica
Fabio Lestón (Outes.
José Quintela (Cabana).
Dani Rosalía (IDC).
Carlos Rodriguez (IDC).
Óscar Penedo (Cee).
Juan Chans (Corme).
Manuel Vidal (Corme).
Havier García (Muros).
Aperc. 2ª: - Iago Espasandín (Buño). - Sergio Vázquez (Outes). - Elías Ruso (Outes). - Juan Lago (Zas). - Eloy Vilas (Cabana). - José Suárez (Cabana). - José A Veiga (Corme).
Así, comezamos o repaso a esta xornada da segunda fin de semana de marzo pola Preferente. Choque clave por arriba do Dumbría, que recibe a todo un Ribadeo, 2º na táboa con 13 puntos máis que os dumbrieses, pero no que os de Canosa demostrarán que queren manterse nos postos de promoción. Ademais, o XSC poderá seguir a remontada en Dubra, mentres que o Soneira se enfronta a unha nova final ante un Viveiro en alza, na 3ª praza. Os de José Ángel querrán sumar para ir sacando a cabeza e meterse de cheo na loita pola promoción e, de paso, facerlle un favor ao Dumbría.
Nova xornada con derbi na 1ª Autonómica, este de urxencia. Urxencia a do Ponteceso, que recibe ao Baio coa necesidade de sumar de 3 en 3. Outro que ten que sumar 3 puntos é o Camariñas, que ten unha visita fundamental ante un rival directo, un Amio que está a só 6 puntos dos conserveiros. Ademais, o Malpica, por arriba, recibe a un bo Agolada, mentres a Esteirana, xa máis relaxada tralas dúas últimas vitorias, recibe ao Villestro, 4º na táboa.
A xornada 26 da 2ª Autonómica será a da estrea de Esteban no banco do Castriz trala marcha de Corredoira, recibindo ao Carnota en San Pedro. Pero o partidazo da xornada será o Zas-Fisterra. Os de Juan Jesús chegan tras 6 vitorias seguidas a San Andrés, só 4 puntos por debaixo dos de Iván Cancela, e a 9 do liderado. Ademais, o derbi entre Cee e Corcubión se presenta como dos máis tensos, cun Corcubión que deixou o posto de pechacancelas e o porá todo, coma sempre nos derbi ante o Cee, tendo en conta ademais que ten varios fisterráns no equipo.
Quedan só 5 xornadas para o final da 3ª Autonómica e as cousas xa se van perfilando. Esta xornada O Baíñas terá derbi, pero non poderá fallar ante o Castrelo tras caer en Muxía no choque aprazado no seu día. I é que o Montelouro está a só 3 puntos, pero esta fin de semana terá unha saída tremendamente difícil, como é contra o Lira, un dos implicados na loita pola promoción. Outro choque directo nesa loita será o Nantón-Muxía, mentres Coristanco non pode deixar de sumar os 3 puntos ante o Corcoesto, e o Ameixenda ten tamén que vencer ante o Laxe. O partido da xornada poderá ser o derbi entre Cerqueda e Seaia, que pode ser o último tren do Cerqueda, e que suporá a primeira xornada sen Taibo para o Seaia. Será Alberto Verdes, que xa comezara a temporada pero que estivera uns meses no Vizoño, o que volve para coller as rendas do banco do cadro do Seaia.
Novo premio para os rapaces de Diego Lobelos e Óscar Leis, pois xogarán no Mundo do Fútbol de Abengondo ante un Deportivo que necesita os puntos na loita polo liderato da División de Honra Cadete. Ademais, na Liga Galega, o Dumbría adiantaba ao pasado mércores o choque ante o Viveiro, cun empate a 1 que deixa aos dumbrieses cómodos. O que necesita a vitoria para manter a categoría é o XSC, que visita ao Racing de Ferrol.
Partidazo na 1ª Cadete, na que o líder, o XSC, recibe ao 2º clasificado, un Cabana a só 3 puntos. Quedan só 3 xornadas para o remate da 1ª Infantil, con 3 equipos en só 3 puntos. Xornada clave ademais, pois o líder, o Corme, recibe ao Cee, 2º clasificado a só 1 punto pero ademais cun punto menos. O Fisterra espera un empate para recortar con ambos sempre que non falle ante o Baio.
Tralo cambio de líder nos Veteranos o Coristanco querrá manter o seu posto ante a visita do Baio. Espera o Soneira un tropezo para recuperar o mandato sempre que non falle ante a visita do Ponteceso.
E penúltima xornada na Liga Intermunicipios, o Cances pode certificar o título se vence ao Baldaio, 3º a 6 puntos. O Sp. Brea espera un tropezo dos de Cances, e querrán sumar en Laxe para recurtar e ter opcións na última xornada.
