Emotividade e competición no Autocross de Arteixo
15:01 22/05/17
Imaxe dunha saída do Autocross de Carballo-Foto-Jose Maria Suárez
Marcada estivo a sesión de Autocross do Circuito de Bértoa polo falecimento dun Policía Local. Un suceso que recibiu un emotivo minuto de silencio por parte de pilotos e afeccionados, e que impediu ao alcalde, responsable ademais municipal da área, e con dous días de luto oficial, acodir a unha das citas do motor máis interesante do curso.
A desta fin de semana era a VII edición do Autocross carballés, e contou cun total de 58 inscritos para as categorías Clase I (ata 1.600cc), Clase II (máis de 1.600cc) e CarCross. Non saíron os de Supercross car 4x4 pola cantidade de avarías sufridas en probas anteriores.
Ambientazo no Circuito de Bértoa para o VII Autocross de Carballo-Foto-Jose Maria Suarez
Foi unha xornada tremendamente competitiva que tivo de todo. De feito, na repesca de carcross, houbo un accidente que fectou a case a metade dos pilotos participantes na manga e provocou que o director de carreira sacará a bandeira vermella cando nin sequera deran unha volta. Aínda así na repetición da manga só quedaron fóra catro vehículos por problemas mecánicos derivados do incidente e houbo emoción ata o final.
Choque no Autocross de Carballo-Foto-Jose Maria Suarez
Trofeos da Olería de Buno do Autocross de Carballo-Foto-Jose Maria Suarez
As clasificacións finais
En Clase I venceu Tinín Iglesias co seu Peugeot 106 de Tino Racing, por diante de Fran Torres (co Citroen AX de P.A. Arteixo) e Alfonso Cabral (Cun Honda Civic de Rois Perepe Sport). Un Tinín que vencía tamén en Clase II (aquí cun Saxo), e desta volta completaba o podio Miguel Pombo (co Corsa de Máis Motor) e Mario Ríos (cun Seat Ibiza de Rois Perepe Sport). Non fallou o líder da clasificación de carcross, Javier Ramilo (Ya-car Racing), que superou a Maikel Vilarilño (La Base Motor Club) e Pablo García (P.A. Arteixo), no final máis espectacular da fin de semana. Na entrega de trofeos estivo presente toda directiva da escudería organizadora máis motor de Carballo encabezada por Juan Puga acompañados do propio presidente da Federación Galega de Automobilismo, Iván Corral, o presidente da Escudaría Peña autocross Arteixo José Castro, e os concelleiros de Carballo, Jesus Lamas (Obras) e Marcos Trigo (Deporte). Loita de Carcross no Autocross de Carballo-Foto-Jose Maria Suarez Loita de Carcross no Autocross de Carballo-Foto-Jose Maria Suarez Espectacular caravana de La base Motor Club no Autocross de Carballo-Foto-Jose Maria SuarezNovas relacionadas
- Falece un policía local en Carballo tras ser atropelado nun control de alcoholemia.
- O concello de Carballo e as escudarías Coruña e Máis Motor unen sinerxias para potenciar o circuito de Bértoa.
Fonte
- Redacción de QPC ([email protected]).
- Fotos de José María Suárez.