Empates sabrosos para os equipos do tenis de mesa

Empates sabrosos para os equipos do tenis de mesa

06:12 29/11/16

Tres empates para os equipos de Zas e todos moi contentos con eles, posto que por un lado en 3ª Nacional o rival do AD Zas Ponciano Nieto é dos que queren ascender. Por outro lado, na 1ª Galega, para O Pinar foi o primeiro punto da liga; e por último para o Construcciones Cernadas foi unha sorpresa que acadase o empate pois no Conxo Ponte de Ferro estaba o equipo de gala.

Houbo tamén derbi costeiro entre Vimianzo e Mazaricos, e decantouse para estes últimos pero como xa se preveía foi moi igualado.

3ª División Nacional, Grupo Noroeste

Xogadores do AD Zas Ponciano Nieto co Breogán Oleiros

Resultado: AD Zas Ponciano Nieto - Breogán Oleiros (3-3) (en sets 10-14)

O empate contentou a ámbolos dous equipos e máxime despois do sorteo e comprobaron que non se enfrentaban os dous primeiros xogadores de cada equipo, circunstancia que decantaría a victoria para un ou outro bando. Así tanto Miguel coma Alberto gañaron os seus dous partidos e os segundos un partido cada un. Para o numero 3 de Zas, Brais Blanco, de momento ainda son moito os irmáns Doval, pero ten que xogar este tipo de partidos para curtirse e responder nun futuro próximo ante rivais desta talla.

Brais Blanco concentrado para sacar

1ª División Galega, Grupo Centro

Resultado: Conxo Ponte de Ferro - AD Zas Construcciones Cernadas (3-3) (en sets 9-9)

Non as tiñan todas consigo os de AD Zas Construcciones Cernadas cando viron os xogadores cos que se ían enfrentar. Fernando Pombo xogou ata este ano 3ª nacional e Fernando Suárez gañara os últimos partidos a Stevo, co cal pintaba máis para un 6-0 que para conseguir algo positivo. Os de Conxo pediron as letras xyz coa idea de ir a por todas pero non contaron que desta vez Stevo non fallou e foi acompañado por una pletórica María Castro, que normalmente xoga en 2ª galega, e cun xogo espeditivo gañou o último partido ante un Daniel Méndez que se veu sorprendido e nada poido facer para evitar un empate que sabe a triunfo para os zasences.

2ª División Galega, Grupo Noroeste

Resultado: Liceo Noia "E" - AD Zas O Pinar (3-3) (en sets 9-9).
Resultado: Arteal Ventanas "B" - Santa Comba (6-0) (en sets 18-4).
Resultado: Vimianzo TM - Concello Mazaricos (2-4) (en sets 9-15).

Primeiro punto o conseguido por O Pinar e ante un rival coas mesmas características que é a de formar xogadores novos e con futuro. Destacou Chiqui por parte dos zasences no seu retorno a competición e aproveitou a veteranía para gañar os seus partidos.

Pola súa banda, cóstaslles aos de Santa Comba gañar partidos e por añadido algún encontro, pero os ánimos non decaen pois saben que está cerca, mentras tanto desfrutan do mellor deporte do mundo.

Ademais, desta vez o derbi comarcal foi para Mazaricos e quizais influiu a presión nos de Vimianzo que se sentían favoritos e non desenrolaron o seu xogo e precipitaronse en moitos puntos que a larga deron a victoria aos visitantes. O primeiro partido foi entre os números un de cada equipo e Adrián sorprendeu a un Alex Blanco, que viña de gañar dous partidos en 1ª galega, pero neste deporte un pouco que te relaxes ou o creas, o contrario aproveita e non perdoa. Ademáis e como xa comentamos a semana pasada Adrián entrena varios días a semana e eso nótase. Queda agora este grupo con seis equipos en so dous puntos de diferencia e todos eles con posibilidades de acadar as prazas de ascenso, entre os que se encontran tanto Vimianzo TM coma Concello de Mazaricos.