Menuda experiencia a de Eva Lema, a porteira costeira do Viaxes Amarelle da máxima categoría do fútbol sala feminino galego, participando no Campionato de España de Seleccións sub-21. A ex do Fisober viaxaba a Murcia ca Selección Galega e volvía cunha medalla de campiona de España, qeu se di pronto.

”Experiencia inolvidable e un título máis para as vitrinas”, recoñecía Eva polas redes socias, nas que se acorda, nun día tan especial, de “aquelas persoas coas que tiven a sorte de vivir outra final dun Campeonato de España, o cal non puidemos gañar. Un cachiño de vós estaba comigo aquí”. Falaba Eva daquela finalísima do Campionato de España co Fisober no ano do ascenso á Nacional, na que as vimiancesas quedaron a un paso do título, pero acadaron un gran subcampionato estatal.

Ademais lembrouse de toda a “xente coa que comparto cousas diariamente, familia, amigos, xente coa que xogo, coa que xoguei e xente que está na distancia pero ao mesmo tempo está comigo”. E o máis importante, deu conta dunha frase tan importante para o desenvolvemento persoal: “Os teus límites ponos ti”.

Unha demostración de por que esta tan boa rapaza, natural de Merexo (Muxía), é tan querida por toda a volta (como di o nome do seu equipo: Fisober (Fisterra, Soneira e Bergantiños), por suposto, sendo Vimianzo e Muxía as súas casas!

Dúas claras vitorias

Dous partidos e dúas vitorias claras desta Selección Galega que demostrou ser superior aos seus rivais. Foi unha fase final cun claro dominio galego, con dúas vitorias por goleada (na semifinal contra Murcia e na final contra Valencia) amosando unha capacidade goleadora magnífica.

En semis enfrontábase á Murcia, a anfitriona, pero as galegas non tiveron piedade e saíron a morder dende o comezo machando ao rival por 1-7. Eva participou no último tramo do partido cunha actuación máis que correcta.
a outra semifinal Valencia vencía a Catalunya 1-2 na prórroga polo que as galegas tiñan que superar a Valencia na finalísma.

A final foi un partido bastante similar ao do sábado. De novo Galicia puxo o partido de cara gracias a dous tempraneiros goles (de Claudia e Vanessa) que lle permitiron afrontar con bastante tranquilidade o encontro. Manuel Del Castillo volveu a apostar por unha defensa en propio campo e buscar roubos de pelota e contras letais. O traballo defensivo foi perfecto e, ademais, foron capaces de ampliar a distancia cun par de goles máis que deixaban o encontro virtualmente sentenciado.
Non deu opción Manuel Del Castillo a disfrutar da final, a pesar do resultado claro para as galegas, á nosa porteira. Pero aínda así a experiencia foi fantástica para a porteira costeira.

Novas relacionadas

• 2012: O Fisober fai historia co Subcampionato de España:
• Crónicas semanais do FSF: A xornada trae de premio a convocatoria de Eva Lema ca Selección Galega.

Fonte

• Redacción de QPC ([email protected]).