Lorena Costa foi unha das deportistas do CDM Piragüismo Dumbría que participou na Copa de España de Slalom 2017 A pasada fin de semana celebrouse en Mondariz Balneario a primeira competición da Copa de España de Slalom 2017 na que Jorge Quintáns, do CDM Piragüismo Dumbría, se fixo coa medalla de prata. Na proba participaron dous finalistas olímpicos e a dobre medallista e campiona olímpica Maialen Chourraut. Tamén competiron membros da delegación dumbriesa que se viu mermada por unha infección gastroinstestinal que afectou a varios dos seus membros. Polo que Jorge Quitáns, Marcos Sánchez e Lorena Costa chegaban a esta cita bastante mermados fisicamente e con poucas horas de descanso. A xornada do sábado arrancou bastante ben para os costeiros, con Jorge Quintáns colandose nas finais de C1 e K1 Cadete, así coma Iago Canosa no K1 Senior e Lorena Costa no K1 Cadete femenino. Marco Oreiro rozaba a final, non entrando por segundos tras facer unha boa manga con cero penalizacións, e Marcos Sanchez pifiaba na primeira porta e xa non era quen de remontar o tempo perdido para colarse na final. Jorge Quintáns quedou de segundo na competición nacional Xa o domingo, a competición non foi tan boa para os de Dumbría. Debido as chuvias da noite o caudal cambiara totalmente, subindo durante toda a competición, e facendo as contras moi inestables, algo ó que os deportistas do CDM Piragüismo Dumbría sufriron para adaptarse. Lorena Costa era a primeira dumbriesa en sair, e tras facer ata a porta 17 a súa mellor manga dende que está en competición, volcaba quedando fora apenas a tres portas da meta. Iago Canosa a conta das penalizacións xa non foi quen de meterse na final do domingo e Marco Oreiro xa quedou mais lonxe dos dez mellores. A cara foi a categoría cadete masculina con Jorge Quintáns e Marcos Sánchez metendose na final de K1 Cadete, logrando finalmente o vimiancés a medalla de plata nunha competición moi seria durante toda a fin de semana, na que ademais tamén foi finalista entre os canoistas cadetes. Ademais a delegación dumbriesa a completaban o xuvenil Cristian Gonzalez, e os cadetes Brais Perez e Francisco Romar, que a pesar de facer boas mangas debido a lesións e a atoparse ainda no inicio da tempada, aínda están lonxe de poder meterse nunha final de Copa de España. A delegación dumbriesa completabaa a infantil Alexia Canosa, que exerceu de abridora na competición. Novas relacionadas

• O CDM Piragüismo Dumbría arranca a tempada coa participación na copa galega de Slalom
• A mazaricá Andrea Pérez, Campiona Galega Absoluta de Piragüismo na casa
• Outras catro medallas para o CDM Piragüismo Dumbría en Ribadumia
• O CDM Piragüismo Dumbría acada catro medallas na copa galega de promoción de Slalom.
• Un sabroso bronce dumbriés nos Campionatos de España de Slalom de Sort
• Gran paricipación dos peques do Sen Siras e do Piragüismo Dumbría en Monforte.
• Tres medallas para o Piragüismo costeiro en Sabero.
• Mazaricos acolleu unha proba da Copa Slalom Galego
• A Costa da Morte triunfa na Copa de España de Piragüismo.
• Os padexeiros costeiros sufriron a esixencia da I Copa Eslalom en Lleida
• Os padeixeiros costeiros prepararon en Salvaterra a Copa de España de Slalom.
• Os clubs de piragüismo costeiro arrincaron a tempada cunha proba internacional.
• Ferroatlántica renova o seu compromiso cos clubes de volei e piragüismo de Dumbría.

Fonte

• Redacción QPC ([email protected]).