Huelvis preparando o quecemento do seu Dumbría-Foto-Veteranos Dumbria Volven á segunda praza os Xuvenís do Dumbría na Liga Galega trala súa vitoria ante un correoso Sporting Estrada no Conco. Os de Leis e Lobelos aproveitaron os tropezos de Boiro, O Val e Conxo para volver á segunda posición, quedando a só 3 puntos do liderado. As boas novas tamén chegaron do equipo Cadete da máxima categoría, pois vencían a todo un Racing de Ferrol, o 4º da táboa, demostrando que poden competir con calquera. Non saen dos postos de descenso os de Huelvis, pero métense de cheo na pelexa.  

Liga Galega Xuvenil, xornada 15

• Resultado: Dumbría - Estrada (2-0)
• Dumbría: Jorge, Roberto, Pablo, Canario, Maikel, Marcos Mouro, Mauro, Gabi, Edu, Juan de Dora e Javi. Tamén xogaron: Borja, Jose Miguel, Jacobo e Raúl.
• Goles: 1-0, m.70: Mauro; 2-0, m.75: Juan de Dora.

Sen ritmo pero con goles Foi este un partido sen moito ritmo, cun Sp. Estrada ben metido atrás que só creaba perigo a balón parado. De feito, no primeiro tempo tirou unha falta ao pau. O Dumbria non conseguía crear ocasións e as máis claras toparon boa resposta do porteiro visitante. Co paso dos minutos o Sp. Estrada foi sufrindo fisicamente e os cambios deron un maior ritmo o equipo de Diego Lobelos que nos minutos finais foi capaz de concretar dúas ocasións que puxeron o definitivo 2-0. Mauro e Juan de dora foron os goleadores. Pouco a pouco o equipo vai recuperando efectivos aínda que non todo o plantel esta disponible. A próxima semana toca dura saída para enfrontarse o Xuventude de Oroso que no seu campo apenas cede puntos.  

División de Honra Cadete, xornada 15

• Resultado: Dumbría - Racing de Ferrol (1-0)
• Dumbría: Juan, Martín (mario, m.79), Josiño, Luís Mayán, Juan Álvarez; Brais Fdez. (Moisés, m.72), Fabio, Carlos; Lojo (Fran Moreira, m.65), Erre (Ayoze, m.20) e Adrián.
• Gol: 1-0, m.67: Josiño marca un golazonunha contra.

Josiño e Juan, de heroes O porteiro dumbries Juan convertiuse no heroe do partido-Foto-Veteranos Dumbria Por fin, todo o traballo de moitas semanas traduciuse en puntos logo dun partido moi disputado, cun Racing máis mandón, pero ante un Dumbría que buscaba facer dano coa velocidade da xente de arriba, e baseado nunha solidez defensiva tremenda. Pronto pediu o cambio Erre, que viña con molestias e ten adestramento coa Selección Coruñesa e estaba falado para non forzar. E botou de menos arriba o equipo a Brandon, que decidía ir de volta a Camariñas, a pesar de ser peza clave no equipo da máxima categoría. Non tiveron opcións os ferroláns, e os dumbrieses souberon aguantar o seu momento, que chegaba nunha perfecta contra que culminou Josiño cun golazo. [fbvideo link="https://www.facebook.com/josemanuel.suarezlema/videos/1004338683019344/" width="650" height="400" onlyvideo="1"] Aguantou aí perfectamente as embestidas visitantes o equipo de Huelvis, e Juan convertiuse no heroe do partido parando un penalti no desconto, evitando un empate que tería sido inxusto. En todo caso, o propio Huelvis cóntanos que "estou orgullosísimo deste equipo, e ata case se me caen as bágoas. O resultado do domingo vale para demostrar que todo o traballo serve para algo, e que podemos competir con todos".  

Crónicas das Ligas Autonómicas

• X.1: Primeiro paso, adiante.
• X.3: Un liderato e un primeiro punto para medrar.
• X.4: Tarde de alta escola no Conco.
• X.5: Unha cara derrota e unha doce vitoria.
• X.7: Líderes e internacionais.
• X.8: Un liderado con vitoria frouxa e un empate con xogo bonito.
• X.9: Xornada para esquecer.
• X.10: O Dumbría volve mandar na Liga Galega Xuvenil.
• X.11: Doble tropezo pero boas sensacións.
• .12: Un empate con susto.
• X.13: Podemos ata co líder.

 

Novas relacionadas

• Corredoira asume o desafío de ascender ao Baíñas.
• “Estoulle sendo infiel ao fútbol… cos meus fillos”.
• O Fútbol Base volve a Pedra Queimada.
• Remata o Curso de Monitor de Fútbol Base de Santa Comba e convócase un novo para Muros.
• Grandes nomes na lista de Pichichis das Ligas da Costa.

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.
• Mercado de Fichaxes: As Altas e Baixas dos equipos do Fútbol da Costa.

Fonte

• Redacción de QPC ([email protected]).