O Corcubión de Manolín levou o Trofeo Carlos Lojo
10:18 28/08/12
O Cubaleiro de Corcubión acolleu a pasada fin de semana a celebración do Trofeo Carlos Lojo. Corcubión e Dumbría desputaron un encontro marcado polas ausencias no bando visitante. Unhas ausencias debidas a que o Dumbría tivo que facer fronte ao inicio do campionato regular na Preferente. A victoria foi para os de Manolín, que venceron por tres tantos a un.
A primeira metade estivo moi igualada. Non houbo un dominador nos primeiros corenta e cinco minutos pero antes de chegar ao descanso adiantáronse os dumbrieses por mediación de Josiño. Tamén na primeira metade anotaron os corcubioneses o seu primeiro gol.
O segundo acto tivo un dominador claro, que foi o Corcubión. Os trocos de Manolín axudaron ao triunfo do conxunto local. Pablo Lestón, destacou no encontro ao levar as xogadas de maior perigo dos seus. Os goles do Corcubión foron obra de Conguito, Alan e Mario. O tanto do Dumbría anotouno Josiño.
Máis información
Novas relacionadas
- A Preferente abre a tempada do fútbol da Costa.
- Resultados do fútbol da Costa: Sorte dispar na Preferente.
- Preferente: Bo comezo para Xallas e Soneira e derrota dumbriesa.
Fonte
- Redacción de Deportes de QPC ([email protected]).
- Fotografía de Jorge Parri.