O Club Xadrez Cabo Touriñán de Muxía acadou un fantástico ascenso á 2ª División da Liga Galega de xadrez, despois de rematar en segundo lugar na clasificación final. Grande fito para a bisbarra que volve siturase no epicentro do xadrez no país.

Este clube, formado na súa maioría por percebeiros e mariñeiros, acadou, non sen traballo, ascender á 2ª división despois de manterse ata a última xornada no primeiro posto.

Das rochas ás táboas

Estes homes que durante a semana reinan os golpes de mar a bordo dos seus barcos, na fin de semana, coa cara queimada polo nordés e os “salseirasos”, coas máns curtidas polo salitre, dirixen reis e peóns nun taboleiro que a xuzgar polo resultado non o fan tan mal.

Nova reunión

Este domingo 27 ás 17:30h, convócase a tódolos socios e simpatizantes a unha reunión no Edificio de Servizos Múltiples do concello, para planificar a próxima tempada, con equipos en terceira e segunda.

Queres participar?

Se alguén está interesado en participar e formar parte do equipo que non dude en chamar o número de teléfono 620.039.243 – 981.74.25.63, a través do correo eléctrónico [email protected], ou no facebook.

Novas relacionadas

• 4 horas necesitou o Club Xadrez Cabo Touriñán para seguir de líder.
• Touriñán prefire xadrez.
• Novas clases de xadrez en Corcubión coa Universidade Popular.
• A xogada mestra (XXVIII): O reMate con Garri Kasparov .

Máis información

• xadreznacosta.blogspot.com.

Fonte

• Nota de prensa do Clube Xadrez Touriñán.