Parte de sancións cun ollo no pichichi e outro ás Fases de Ascenso

Parte de sancións cun ollo no pichichi e outro ás Fases de Ascenso

Deindo

18:17 24/05/12

Comentamos o parte desta semana con varias novidades.

Aceptado o Recurso do Baio

E xa o dabamos conta que a Federación dera o partido entre Baio e O Pindo, suspendido no min.60 por quedar o Pindo con 6 xogadores sobre o céspede, como "suspendido por incomparecencia" do cadro carnotán. Unha suspensión que deixaba o 8-1 nun sinxelo 3-0, anulando así os tantos de Javi Suárez, en plena loita polo pichichi.

Pois ben, o Baio recibía estes días unha resolución do Comité de Apelación resolvendo favorablemente o recurso presentado polo clube. Con esta resolución de Apelación mantense o resultado que figuraba no momento da suspensión: 8-1. E os goles de Javi Suárez, 7, nada menos, valen tamén para a contabilización do pichichi.

Así, o baiés xa pode ser considerado oficialmente o pichichi da tempada, con 30 goles, 1 máis que Vituco, e 2 máis que Leo, que cómpre lembrar que só disputou media temporada na Liga da Costa.

Fase de Ascenso á Liga Galega

Xa están perfiladas as emilinatorias de ascenso das categorías cadete e xuvenil (o infantil foi anulado por un recurso do Foz). E Ollo, que ambos terán que superar dúas eliminatorias para ascender. Estes son os cuadros que terán que superar (as segundas eliminatorias serán 10 e 17 de xuño):

Xuvenil:

27-05	San Marcos - Baio	03-06
27-05	Imperátor - O Val	03-06

27-05	Unión - Burela	03-06
27-05	Malpica - Lalín	03-06

Cadete:

27-05	Ordes - Caranza	03-06
27-05	Santa Comba - Negreira	03-06

27-05	Estrada - Foz	03-06
27-05 - 11:00	Cordeiro - Dumbría	03-06

Sancionados

E xa deixamos o parte que trae un par de curiosidades, como a sancións de Juan oBello, tras ser expulsado na volta dos oitavos do Baio e non aparecer en varios partes; ou a sancións de 7 partidos e 3 meses para o xogador do Independiente Rubéns Chans. Ademais, o zaense Ismael terá que esperar para coñecer a súa sanción unha vez o clube presentou alegacións.