Venres. 29.03.2024
El tiempo

Resultados #futboldacosta na xornada electoral

Resultados #futboldacosta na xornada electoral
Imaxe do partido da semana, o Fisterra-Camariñas-Foto- Jorge Parri

Completa xornada do fútbol costeiro (a vindeira semana xa dá comezo a Liga Cadete) a deste 20 e 21 de outubro de 2012. Unha xornada marcada pola cita electoral pero parece que ó #fútboldacosta non lle toca de preto. Xa saben que teñen todas clasificacións en www.futboldacosta.com, pero mentres analizamos a xornada.

Comezamos o repaso da xornada polo partidazo da semana. Disputado onte nun ateigado Ara Solis, o Fisterra e o Camariñas volveron demostrar por que o fútbol da Costa ten o tirón que ten cun partidazo que nin o visto en Riazor. O empate final deixa ó Fisterra algo máis tocado pero con moita moral para as vindeiras xornadas.
Pola sua parte o Ponteceso colleitaba unha gran vitoria ante o Piloño, o pechacancelas, e segue escapando da zona baixa, mentres que o Malpica volveu amosar que está moi ben acoplado á categoría cunha nova goleada, desta volta ante o Laro, co que estaba empatado, e sobe ata a 4ª praza a tan só 3 puntos do líder.

Seguimos pola Preferente, onde descansaba o Soneira. Onte o Dumbría daba unha alegría á súa parroquia cunha cómoda vitoria ante o Sada, e se coloca 4º a 3 puntos do Xallas de Santa Comba. Hoxe o XSC, cunha gran segunda metade non pasaba do empate ante un Bertamiráns que dominou o primeiro tempo que acabou pedindo a hora. Os xalleiros quedan 3º a 3 puntos do Noiro, que non fallou en Carral, e con 3 sobre dumbrieses e o propio Bertamiráns.

A xornada da 2ª da Costa chegou con moitas sorpresas. Como a primeira derrota do líder, a SD Sofán, que intentou unha épica remontada en Castriz que quedou na intentona. 2º sitúase agora o Cee, que aproveita o empate da Esteirana ante un moi mellorado San Lorenzo. Os de Floreal e José Carlos venceron con claridade a un Baio que viña nunha liña impresionante, polo que dá conta da potencia coa que chegan os ceenses. O Corme tamén caía en Miraflores, ante un Volantes que sen dúbida se crece ante a súa afección, e que alcanza aos cormeláns na táboa con 16 puntos.
Pero a igualdade é total, pois entre o líder e o 9º, o Zas, que vencía en Cabana tras unha gran remontada, hai só 6 puntos. Polo medio queda tamén o Montelouro, que sufría para vencer a un pechacancelas que mellora, polo menos en defensa, e o Carnota, que tras vencer ao Outes, asoma a cabeza pola metade alta da táboa.

A xornada na 3ª da Costa chegou intensa. O Porteño segue firme na cabeza tras vencer con solvencia o derbi co Xaviña, e aproveita ademais o empate entre os seus perseguidores. No partidazo da xornada, Camelle e Independiente empataron e quedan a 5 e 4 puntos, mantendo a 3ª e 2ª praza, respectivamente. 4º queda o Ameixenda que segue sorprendendo e deu un repaso na primeira metade ao Corcoesto. Por detrás segue Soneira B, que deu a de cal ante un Alcaián en caída; e o Cerqueda, que sumaba 3 puntos no último suspiro no Roxo ante un Nantón que segue ca sorte de costas. O Baíñas asoma a cabeza tras vencer nun choque de tolos ao Muxía.

As que están que ferven son as Ligas Xuvenís. 4 equipos polo Sur e 5 polo Norte están nun pano. Polo Sur, o Dumbría vencía no partido da semana ao que chegada lider, o Fisterra, arrebatando así a primeira praza. No medio queda o XSC tras endosar unha goleada de escándalo ao Muros. Comleta o cadro de arriba o Cee, que vencía á Esteirana nunha xornada para esquecer, pois o partido tivo que pararse por unha grave lesión de xeonllo do ceense José Ramón, ao que lle desexamos unha pronta recuperación.Ademais, o Soneira sorprendeu a un Mazaricos que están nun bache e sumou os seus primeiros puntos.
Polo Norte o Malpica petou enriba da mesa tras vencer por 4-1 a todo un Baio, que queda algo descolgado. O Ponteceso e o Cabana manteñen o forte ritmo tras superar con contundencia a Muxía e Corme, mentres que o Coristanco segue empeñado en discutir a hexemonía dos de arriba e se mantén a só 4 puntos do líder.

Nas Ligas Galegas, doble vitoria do Bergantiños pero a fin de semana non foi boa para os dumbrieses, que caeron en cadetes, e con contundencia, e empataron a 0 ante o Santiago.

E ollo coa xornada nos Veteranos. O Cabana amosou que non vai de coña e superou a todo un Ponteceso no Pinguel, polo que amplía a súa renda cos perseguidores. Xa son 5 puntos co Castriz, que non fallou e xa se coloca 2º, e co Xuv- Bergantiños que non pasaba do empate ante o Baio. O Soneira segue aí, co Corcubión de Veteranos, mentres que o San Román non acaba de meterse arriba e non pasaba do empate ante o Zas.

Soneira-Camariñas de Veteranos

Preferente, xornada 9

Dumbría 2-0 Sada
Bertamiráns 1-1 Xallas StComba
  • Descansa Soneira.

1ª Autonómica, xornada 8

Fisterra 3-3 Camariñas
Piloño 1-4 Ponteceso
Malpica 5-0 Laro

2ª Autonómica, xornada 8

Corcubión 4-1 Muros
Cabana 2-3Zas
Dumbría B 1-2 Montelouro
San Lorenzo 2-2 Esteirana
Cee 3-0 Baio
Volantes 2-1 Corme
Buño 1-1 Mazaricos
Castriz 4-3 Sofán
Outes 1-2 Carnota

3ª Autonómica, xornada 8

Soneira B 4-2 Alcaián
Camelle 1-1 Indep. Carballo
Castrelo 0-4 Fisterra B
Baíñas 4-3 Muxía
Nantón 0-1 Cerqueda
Porteño 6-2 Xaviña
Coristanco 2-2 Laxe
Ameixenda 4-3 Corcoesto
  • Descansa Lira.

Ligas Xuvenís, Gr.3, xornada 8

Dumbría 3-2 Fisterra
Soneira 1-0 Mazaricos
Esteirana 2-3 Cee
Corcubión 1-2Outes
Xallas StComba 9-0 Muros

Ligas Xuvenís, Gr.4, xornada 8

Cabana6-1 Corme
Muxía 2-4 Ponteceso
Camariñas 1-2 Laxe
Malpica 4-1 Baio
Coristanco 2-0 Zas

Liga Galega Cadete, xornada 6

S.de Compostela 5-1 Dumbría
Bergantiños 3-2 S.D. Compostela

Liga Galega Infantil, xornada 6

Bergantiños 4-1 Montañeros B
S.de Compostela 0-0 Dumbría

1ª Infantil, xornada 5

Xallas StComba 3-0 Outes
Os Miudos 0-2 Fisterra
Cee 3-2 Esteirana
Baio3-4 Cabana
Corme 4-1 Ponteceso
Muxía 1-6Coristanco
Sofán 2-6 E.M.F. Vimianzo
  • Descansa As Baleas.

Ligas de Veteranos, xornada 6

1ª División

Soneira 4-0Camariñas
Bergantiños 2-6 Corcubión Vet.
Ponteceso0-1 Cabana
Nantón 1-4 Bértoa
Coristanco 3-2 San Lorenzo
Castriz 8-1 Vimianzo
Xuv. Bergantiños 1-1Baio
San Román 1-1 Zas

1ª División

Sofán3-1 Dep. Carballo
Poniente 3-2 Corme
Corcoesto 0-0 Leiloio
Cerqueda 3-3 Porteño
Agualada 0-0 Camelle
Malpica 2-0 Buño
Laxe 1-3 Muros
  • Descansa At. Milagrosa.

Máis información

Crónicas da semana

Artigos deportivos

Fonte

Comentarios