Tropezo do AD Zas Construcciones Cernadas na 1ª división galega de tenis de mesa

08:09 20/10/16

Xogadores do AD Zas O Pinar que se desprazaron a pasada fin de semana a Vilagarcía 6-0 (18-6) foi o resultado do partido de tenis de mesa disputado entes o Club del Mar Infantil contra o AD Zas Construcciones Cernadas dentro da 1ª división galega do grupo centro. Pouco puideron facer os novos xogadores de Zas contra os veteráns coruñeses. Os nervios obstaculizaron algunhas das xogadas. Xa dentro dos partidos disputados na 2ª división galega de tenis de mesa, os Mazaricos empataron nun encontro que deberían de gañar con facililidade. José Ángel ía gañando 2-0 e perdeu, e logo con 3-1 no marcador xeral Javi ía gañando 2-1 en sets e perdeu tendo bolas moi claras para gañar. Moi bo debut fixeron os Santa Comba ante os da Estrada xa que conseguiron gañar os seus primeiros sets a pesar do pouco tempo de práctica que tiveron por non poder entrenar nos últimos meses ao non ter acceso ás instalacións. Esperabase máis do equipo AD Zas O Pinar en Vilagarcía pero alí estaba un veterán e outro bo xogador alevín que o impediron. Destacou a actuación de María Castro no seu debut cos de Zas e José Antonio progresando moito en cada partido. Pola súa banda, Laura García gañaou o seu primeiro partido na competición.

Excelente se pode considerar o desprazamento dos de Vimianzo a Oroso, onde gañaron o encontro que tiñan que gañar e empataron o outro ante un rival con xente moi nova pero de gran nivel. Neste grupo vanse dar encontros moi disputados e con varios equipos con serias opcións de cara o ascenso. Será de disfrute para quen os vai ver xogar.

Próximos encontros

3ª división nacional: Cambre TM - AD Zas Ponciano Nieto (Cambre, domingo 23 de outubro ás 11 horas).
1ª division galega: CTM Coruña - AD Zas Construcciones Cernadas (A Coruña, sábado ás 17 horas).
2ª división galega:

- Liceo Casino de Vilagarcía - Santa Comba (Vilagarcía, sábado 22 ás 17 horas).

- Arteal Ventanas "B" - Concello de Mazaricos (Santiago, sábado 22 ás 17 horas).

- Vimianzo Tm - Recreo Cultural de A Estrada "B" (Vimianzo, sábado 22 ás 16 horas).

- AD Zas O Pinar - Recreo Cultural de A Estrada "B" (Vimianzo, sábado 22 ás 18 horas).