A praia do Ézaro reafírmase como marco perfecto para competicións deportivas de alto nivel
120 deportistas fixeron, por segundo ano, da praia do Ézaro, o centro do salvamento acuático galego. A Federación de Salvamento e Socorrismo de Galicia celebraba no areal dumbriés un novo Campionato Galego Verán 2013 para as categorías alevín, infantil e cadete.
A praia do Ézaro foi un marco perfecto para o desenvolvemento de probas como a Bandeira, sprint, relevo, carreira con táboa, rescate con táboa, nadar surf, ou rescate con tubo. Alí, os deportistas chegados de toda Galicia competiron ao máximo nivel, para poder disfrutar ao remate da beleza da zona e como non, da fervenza do Ézaro.
Foi finalmente o equipo carballés, o Sysca, o campión por equipos, por diante do Club SASA, de Sada. Os pontevedreses do C. Salv. Y Soc. SAPO, os membros do Club Natacion Cerceda e do Club SALV-AR de Arteixo quedaron moi preto. Algo máis lonxe quedaron os do C.A. Umia (Caldas de Reis), ao igual que o PC Salvamento (Sanxenxo) e foi o Club Salvamento Ponferrada o que pechou a clasificación.
O caso é que Dumbría segue reafirmándose como un foro perfecto para competicións de alto nivel, e a praia do Ézaro un marco ideal para probas ao aire libre. Así, no verán deportivo de vertixe que ten preparado Concello dumbriés, a vindeir cita de praia será o 7 e 8 de xullo co Campionato Galego de Volei Praia en categorías inferiores, para os días 7 e 8 de xullo. Pero ollo, que a gran cita do areal, será os 3 e 4 de agosto, coa Festa da Praia do Ézaro, que acollerá ademais o Campionato Galego Absoluto de Volei Praia.
+
Máis información
Nova relacionadas
- Dumbría prepara un verán deportivo de vertixe.
- 2012: O Ézaro foi o centro do Salvamento Acuático de Galicia.
- Redacción de QPC ([email protected]).
