A estrada terá un ancho de sete metros para dous carrís e unha senda peonil A empresa Aquablue Sistemas Constructivos SL e a Deputación da Coruña formalizaron onte sinatura do contrato da obra de ampliación da plataforma e mellora de capa de rodadura na DP 3401, acceso a Berdeogas, no concello de Dumbría, dende o PK 0 ao 1,400, cun orzamento de 146.924,31 euros. As obras, que comezarán nas vindeiras semanas, terán un prazo de execución de catro meses. Os traballos consisten na ampliación da estrada entre o seu inicio e o PK 0+540, ata un ancho de plataforma de 7 metros, con dous carrís de tres metros de ancho en cada sentido e arcéns de 0,50 metros. Neste tramo, inclúese a construción de tramos de senda peonil de ancho variable e dótase a toda a estrada dunha nova capa de rodadura con mistura bituminosa en quente de 5 cm., o que incrementará a capacidade portante do pavemento e mellorará as características funcionais e a seguridade do vial. O proxecto inclúe ademáis a renovación da barandilla existente entre os PK 0+920 e 0+960, a nova sinalización horizontal e vertical do tramo, a instalación de sumidoiros e drenaxe de pluviais e a reposición dos servizos afectados. Novas relacionadas

• As axudas para a mellora de estradas da Xunta crea discrepancias
• A deputación adxudica as obras de mellora das estradas
• Só 11 concellos costeiros acóllense ao PAI da Deputación.
• A deputación licita as obras de mellora das estradas da Costa da Morte
• Tras ano e medio de obras, a autoestrada de peaxe da AG-55 volve ter dous carrís
• Pequeño: “O Concello ten que facer de empresa pública para fixar poboación”
• 20-08-15: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
• A Deputación inviste máis de 700.000 euros no arranxo da estrada que comunica Coristanco con Santa Comba

  Fonte

• Redacción QPC (info@quepasanacosta.com)
• Deputación