Vanse facendo realidade os cambios da era dixital dos bancos. Ese cambios que provocan que as empresas financieiras poidan cambiar oficinas por caixeiros no rural, recibindo ademais subvencións públicas por manter este mísero servizo.

Así acontece xa en Dumbría. O peche da oficina do núcleo tivo lugar en agosto de 2020. Foi onte cando Abanca puxo en funcionamento o seu caixeiro, ubicado no local que a entidade bancaria posúe en Dumbría e que foi arrendado ao Concello de Dumbría para que a veciñanza poida dispoñer deste servizo.

O martes 26 de abril, en horario de 11:00 a 13:00 horas, terá lugar unha actividade formativa impartida por persoal de Abanca para asesorar sobre o uso do caixeiro ás persoas que así o precisen. A formación impartirase nas oficinas do mesmo edificio.

Novas relacionadas

• 09-21: Medio millar de veciñ@s de Vimianzo e Zas manifestaron na Coruña o seu malestar polo peche das sucursais de Abanca.
• 12-21: O Parlamento non se pon dacordo para asegurar un acceso digno aos servizos financieiros no rural.
• 04-08-2020: Lamentan o peche da oficina de Abanca en Dumbría.
• Cousas que existían pero que descubrimos coa pandemia: Os bancos, tal como os coñecemos, camiño de ser un recordo.