A xeira de competicións para pechar a tempada autonomicaa de piragüismo comeza este sábado 6 de setembro coa celebración no Campo de Slalom de O Couquiño da Copa Galega de Promoción de Slalom, competición na que compiten os máis pequenos do piragüismo galego.

Unha semana máis tarde, os días 13 e 14 de setembro, xa serán as categorías absolutas as que celebren as probas que que poñen o peche de tempada para as categorías senior e xuvenil coa celebración dos Campionatos de Galicia das dúas modalidades olímpicas das augas bravas.

Agardan a presenza dos melores clubes de toda Galicia, coma o Quixos de Monforte de Lemos, o Tea de Mondariz Balneario, os Teixugos de Tomiño ou Penedo de Tui. A proba sae adiante grácias á colaboracion imprescindible do Concello de Dumbría, que colabora en todo o relativo á organización da proba, e da empresa Xeal, que aportará o caudal imprescindible da mesma, e dos veciños de Olveira que ceden as fincas para o perfecto desenrolo da organización.