Xoves. 28.03.2024
El tiempo

O Modesto Patrimonio: A escola de Dumbría

O Modesto Patrimonio: A escola de Dumbría
Seguimos percorrendo o noso territorio da man de Modesto García Quintáns. Hoxe imos coñecer unha desas escolas unitarias que tanta historia teñen detrás.

A escola de Hospital

escola-de-hospital-dumbria-lateral-noreste Nalgunhas parroquias do concello de Dumbría hai lugares moi apartados do núcleo central onde está a igrexa parroquial e a escola dos cativos. Así, o lugar de O Brazal de Buxantes, O Logoso de Olveira, Paradela e Hospital de Dumbría distan máis de catro quilómetros que os nenos tiñan que andar para asistir á escola. Neste caso, a corporación de Dumbría nomeada en sesión do 24 de xuño de 1931, co seu alcalde Juan Grille Fernández, máis coñecido como “O Ferreiro do Logoso”, home emprendedor e intelixente, e o concelleiro Evaristo Quintáns Trillo, da Filgueira, determinaron crear unha nova escola mixta no lugar de Hospital. Como non había un local adecuado, o alcalde decidío construír unha casa a súa conta preto da fonte do lugar para cederlla ao concello como escola. Coa proposta do concelleiro Evaristo, na sesión do 18 de Marzo de 1933, solicitaron o Director Xeneral de 1ª Enseñanza que autorizara a creación desta escola, comprometéndose o concello a ceder o local, a vivenda e o material necesario. Na sesión do 15 de Decembro de 1934, por unanimidade, aprobaron un presuposto de 1.950,30 pts. para comprar o material escolar na tenda Hermanos Cinque na Coruña. escola de hospital-dumbria A casa, de mampostería e cantería, constaba de planta baixa con letrina incorporada e a planta alta dedicouse a vivenda, que naqueles tempos xa tiña cociña económica de ferro. O curso comezou no ano 1935 coa mestra Dña Amparo Cruceiro Friol de Pontedeume que estivo uns seis anos. D. Juan Manuel Gómez Doval foi o último. A fonte do lugar, preto da capela de San Marcos (desaparecida) foi trasladada recentemente a un espazo cercano a río como área de descanso e alimentada coa auga da traída. fonte-de-hospital-dumbria
  • Modesto García Quintáns.
 

O Patrimonio Modesto

Novas relacionadas

Fonte

Comentarios