Toda a bisbarra coñece a súa fermosa voz e en QPC tamén contamos cos comentarios que nos achega a través do seu O Soliloquio. Pois ben, a dumbriesa Susana Alvite vén de participar nunha iniciativa da Asociación Galega de Reporteiros Solidarios (AGARESO) celebrada en El Salvador, baixo o nome de Comunicación para o Desenvolvemento no exterior. A actuación enmarcouse nun proxecto a prol da sensibilización medioambiental e a pesca artesanal na rexión do Bajo Lempa a través de talleres de radio. O proxecto contou coa xestión da Asemblea de Cooperación Pola Paz e o financiamento da Xunta, implementado en terreo pola ONG local Cordes. Susana Alvite estivo acompañada por Carmen Novas, tamén xornalista e natural do municipio pontevedrés de Bueu. Ámbalas dúas integraron o equipo desprazado, que estivo apoiado en todo momento pola Asociación desde Galicia. En El Salvador visitaron sete escolas para impartir outros tantos obradoiros de radio a máis dun cento de escolares, obradoiros que culminaron coa gravación de cadanseu programa titulado Así suena el Lempa. As pezas radiofónicas centráronse en temas como o cambio climático, a deforestación, a auga, o lixo ou os factores que amezan a especies daquela zona, como a tartaruga mariña e o cangrexo punche. Para maior difusión dos programas, as xornalistas contactaron con varias emisoras comunitarias da zona para contribuir á difusión dos mesmos. Pronto poderemos escoitar os programas na radio por internet da Asociación Galega de Reporteiros Solidarios. Pero polo de agora podemos ir ollando as experiencias de Susana e Carmen no blog creado por Agareso para a ocasión.

Os Soliloquios da Denosiña

• Miopía común.
• Non vendo ouro!!!.
• Sabedes que? Aí vos quedades!.
• Limpando conciencias.
• Cando os maiores se volven calados…
• Outro día máis sen razón de ser.
• Non é sen tempo.
• Pensando nas Mulleres Traballadoras.
• Amodiño e con boa letra (por favor).
• As deficiencias da Costa en materia de comunicación.

Novas relacionadas

• Máis de 100 empresarios do sector turístico aprenden a venderse na rede con Abertal. Galinus e Hexis.
• O sector turístico aprende a pescar na rede.
• Os problemas dunha locutora de radio para desenvolverse profesionalmente con esta conexión.
• Galinus explica os seus produtos cun novo e simpático vídeo.

Fonte

• Nota de prensa de AGARESO.