O incendio forestal arrasa 130 hectáreas en Fisterra
- Última hora (22.00h): A Xunta dá por Estabilizado o incendio de Fisterra con 130 ha arrasadas.
- Última hora (18.00h): a Xunta actualiza a superficie arrasada do #IFSardiñeiroFisterra ata 130 ha. Aínda está activo pero evoluciona favorablemente. Mentres houbo xa outro contato, controlado a tempo, no Ézaro (Dumbría) , e outro aínda activo en Boca do Río (Carnota). O Ges de Muros de camiño.
Semana clave na loita contra os incendios foresitais en Galicia. E non podía faltar a Costa da Morte… Esta madrugada, arredor das 1:17h, prendían lume preto de Rial, parroquia de Sardiñeiro (Fisterra), e pouco a pouco o lume foise extendendo por Mallas (parroquia de Duio).
A pesar dos traballos de contención a pé (hai poucos medios pois máis dunha ducia de incendios activos en Galicia), ao longo da noite xa arderan 40 hectáreas de monte raso, segundo informaba a Xunta ás 8:00h recoñecendo que o incendio seguía activo. Unha superficie que a Xunta actualizaba arredor das 14:00h cunha superficie devorada de 120 hectáreas.
Tan activo que a piques estivo de chegar ás casas de Vigo, ata que as 9:00h controlaron o perímetro do lugar; e tan activo que o lugar de Mallas que estivo en alerta durante toda a mañá. De feito, pasadas as 10:00h a Xunta informou do perigo real que sofren as casas de Rial, polo que os Bombeiros de Cee acodiron ao lugar.
No seu control traballaron 4 axentes, 12 brigadas, 8 motobombas, 2 pas, 6 helicópteros e 4 avións, así como efectivos da Unidade Militar de Emerxencias (UME) con 59 persoas, un helicóptero e 19 medios terrestres.
Con esta imaxe espertaron os veciños da vila do Cristo, e varios veciños están pendentes pois o vento do nordés segue expandindo, e pode que chegue a afectar a algunha casa. De feito, Galicia está en alto risco de incendios durante estes días, e o 112 avisa dunha nova alerta amarela por fenómeno meteorolóxico adverso costeiro por ventos de nordés de forza 7 entre Vilán e Fisterra que comeza ás 13:00h.
Afortunadamente, a esa hora o incendio quedou máis ou menos controlado, pero a situación do vento fai que en calquera momento poida cambiar.
Seguiremos actualizando a información sobre este #IFSardiñeiroFisterra.
Así está Mallas (Fisterra), na subida dende Calcoba, nesta mañá de incendio. Que mala pinta...
— Quepasanacosta (@quepasanacosta) September 6, 2019
Gracias Jose polas imaxes. @incendios085
Máis info: https://t.co/2O7Juhv0Cl#IFSardiñeiroFisterra pic.twitter.com/cltHCXJSFf
Arrefriando na zona de Mallas pasadas as 11:30.Foto-Rafa Quintáns
Arrefriando na zona de Mallas pasadas as 11:30.Foto-Rafa Quintáns
Primeiras imaxes dende Mallas-Foto-Rafa Quintáns
Así está Mallas agora mesmo... 🤦♀️#IFSardiñeiroFisterra@incendios085 pic.twitter.com/8VQLLKS5uN
— Quepasanacosta (@quepasanacosta) September 6, 2019
Máis novas sobre incendios
- Maio 19: Segundo incendio en tres días en Fisterra.
- Marzo 19: Tres incendios en Baio, Fisterra Vimianzo fan saltar todas as alarmas tamén na Costa.
- Agosto 18: Fisterra, pasto dos incendiarios con 5 incendios en dúas semanas.
