O pasado venres no Auditorio da Casa da cultura de Vimianzo, a ANPA San Vicenzo e a federación de ANPAS da Costa da Morte organizaban un novo acto sobre “a LOMCE a debate”. Unha campaña informativa que percorre a bisbarra para manter aos profesores ao tanto das consecuencias da contrarreforma educativa do Goberno, pola que, entre outras cousas, a Relixión volverá ser computable e terá o mesmo tratamento que Matemáticas, contando para a nota media, para a obtención de becas e a efectos de repetición de curso.

Se ben para a semana toca en Fisterra, a sesión vimiancesa expuxo, entre outras cousas, que que no último borrador aprobado súmanse novos elementos que engaden polémica á xa existente (debido aos perniciosos efectos da imposición das reválidas ou a eliminación do ensino en galego).

Máis citas informativas en Fisterra

As Anpas, sendo conscientes que temos que seguir informando á comunidade educativa (á parte á que aínda non chegaron) sobre a LOMCE. Por iso, a anpa "Arco da Vella" de Sardiñeiro, coñecedora da necesidade dunha educación pública e de calidade para o alumnado do noso País, organiza unha charla sobre a LOMCE en Fisterra.

Para ter un suficiente coñecemento sobre a chamada lei Wert, asistide á conferencia que terá lugar o 29 de maio (mércores) ás 19:30h. no salón de actos do concello de Fisterra. Ao remate, poderás participar no debate ou formular as preguntas que consideres.

A anpa "Arco da Vella" e as anpas da Costa da Morte agardan a túa asistencia.

Novas relacionadas

• A histórica folga do ensino ao completo chega aos CEIP e roza o 90% de seguemento.
• A comunidade educativa para ao completo contra a LOMCE.
• Novas citas contra a LOMCE en Cee e Vimianzo.
• Peche costeiro contra a reforma e os recortes en educación.
• Bergantiños sae á rúa.
• A Costa da Morte tamén loita contra o copago nos comedores escolares.
• Os pais e nais da Costa da Morte envían unha carta de preocupación ao Conselleiro ante os orzamentos de educación.
• A ANPA do Agra Raíces pide unión da comunidade educativos nos peores momentos do ensino público.
• A bitácora da semana (CCI): A Federación de Anpas da Costa da Morte.
• A Fedanpa convoca unha concentración polo Ensino Público na capital de Bergantiños.
• As ANPAs propoñen un referendum pola reutilización e gratuidade dos libros.
• As Anpas da Costa da Morte propón un programa de reutilización de libros de texto.
• A Federacións de ANPAs da Costa da Morte estréase cunha dura crítica á LOMCE.
• 17-10-12: A mocidade da Costa da Morte tamén se rebela por un ensino público.
• 10-05-12: A folga do ensino déixase notar nos centros da Costa da Morte.

Fonte

• Información da FEDANPA.