Sábado. 21.05.2022
El tiempo

As bravas camiñantas dixitais da aula CeMIT de Fisterra

Maiores usando mobil na Aula Cemit de Fisterra
As bravas camiñantas dixitais da aula CeMIT de Fisterra

Singular proxecto que desenvolve Alicia López na Aula CeMIT do Concello de Fisterra. Baixo o lema “Tecnoloxías dixitais para as persoas maiores e o envellecemento saudable” a Asociación Somos Digital puxo en marcha unha actividade lúdico-formativa de carácter colaborativo para fomentar a unión entre camiñar e a utilización de ferramentas dixitais. Chámase “Camina en digital para sumar años saludablemente”, e son 5 as aulas CeMIT de toda España que participan percorrendo máis de 750 km do Camiño de Santiago.

Unha delas é a aula fisterrá. Os seus comprometidos usuarios, miden as súas andainas diarias e comparten coa persoa responsable do centro, no caso fisterrá Alicia, os km. percorridos mediante unha captura de pantalla. Estes datos son trasladados a unha plataforma dixital e fan avanzar o centro na súa andaina a Santiago de Compostela. Para completar o Camiño teñen como data límite ata o 18 de maio, e a pesar de comezar a introducir datos un pouco máis tarde que o resto de centros, tendo en conta o rápido avance do grupo ben seguro que chegarán a destino antes da data tope para facelo.

”Trátase, pois, dunha actividade satisfactoria en tódolos sentidos”, explica Alicia, “porque ademais do ben físico que produce camiñar, tamén de forma colateral practican o uso das novas tecnoloxías (GPS, apps que miden distancias, capturas de pantalla, uso de mensaxería móbil, cámara de fotos…)”.

comentarios