A empresa costeira Onde Andarás SL, presentaba onte o proxecto web “Andantes”, a primeira guía dixital de autor sobre o Camiño de Santiago feita en chinés.

Foi Antón Pombo, autor da guía máis vendida en castelán sobre o Camiño, xunto con Pepe Formoso, o que presentou a súa proposta no Hotel Bela Fisterra.

A guía serve para entender a tendencia progresiva do crecimento da chegada masiva de chineses a facer o Camiño.

É unha web sinxela, con consellos e información práctica, ademais de ilustracións humorísticas feitas pola ceense Laura Suárez, nunha web feita polo deseñador Xosé Teiga. O proxecto conta co apoio da Deputación da Coruña e O Teu Xacobeo.