Denuncian que a reclamación dunha promotora pode levar á ruína ao Concello de Fisterra

Fisterra finisterre concello saneamento urbanistica desfeita

Denuncian que a reclamación dunha promotora pode levar á ruína ao Concello de Fisterra

09:30 11/04/12

I é que por algo se chamou boom urbanístico. Porque en calquera momento explota. E en Fisterra pode que aínda non explotara o boom da Recta da Anchoa, que pode, como asegura a oposición, "levar á ruína ao Concello".

Vimos de coñecer que unha das construtoras que destrozaron a entrada á vila do Cristo entre 2004 e 2007 acaba de realizar unha reclamación patrimonial por danos e perxuizos ao Concello de Fisterra. A empresa "Inversiones Plaza Garden SL" pide un mínimo 11 millóns de euros como consecuencia da nulidade da súa licenza urbanística. "Unha cantidade que pode levar directamente á ruína ao Concello de Fisterra", segundo denuncia Modesto Fraga, voceiro do BNG, unha vez que a cifra cuadriplica o presoposto anual do Concello.
Un Fraga que afirma que leva 6 meses pedindo o acceso a este expediente e a outras informacións sobre as licencias urbanísticas no Concello, pero que non foi ata esta semana cando o primeiro expediente.

Son 400 as vivendas que están na mesma situación, involucrando outras empresas como Coinasa, L-Tres Inversiones, Poalsa Inmobiliaria e Campoalsa. Neste caso falamos do Bloque "Os Rosales", de 88 vivendas, situado na metade da Anchoa, no lugar de Escaselas. A empresa xa vendeu 54 dos pisos, pero a dçia de hoxe a xente xa non os quere. A xente quere os cartos de volta.
Ademais, dende a empresa entende que a legalización é practicamente imposible unha vez que o Tribunal Superior de Xustiza de Galicia vén de ratificar como firme a sentencia de ilegalidade da licencia, por non ter o saneamento no momento de comezo das obras. E por iso, a multinacional pide esta compensación millonaria.

O alcalde asegrou que lle parece "desorbitada" a cantidade solicitada, e ao tempo apuntou nun pleno que con 200.000€ poderíase resolver o litixio. Ademais entende que a situación deste edificio é "legalizable".

"E os cartos?"

Así se pregunta o BNG fisterrán. "Onde foron os cartos destes boom urbanístico? Se estamos aínda pedindo créditos cada dous por tres e eses cartos non se ven nin en infraestruturas, nin en investivementos nin en nada".