Fisterra respirou devoción a pesar do tempo nas Festas do Cristo
![](/asset/thumbnail,992,558,center,center/media/quepasanacosta/images/2011/04/25/Desenclavo-FOto-Xusto-Fisterra-1.jpg)
![Desenclavo - FOto- Xusto Fisterra 1](/media/quepasanacosta/images/2011/04/25/Desenclavo-FOto-Xusto-Fisterra-1.jpg)
Un ano máis, as Festas do Cristo de Fisterra foron todo un reclamo turístico e cultural na Costa da Morte. Este ano contaban ademais coa I Mostra de Artesáns na Fin do Mundo, o que propiciou que milleiros de visitantes se achegasen a disfrutar das súas vacacións a este recuncho de Galicia.
Como sempre, as procesións foron as protagonistas. E iso que non todas puideron saír. De feito, a procesión do Santo Enterro, unha das máis célebres, tivo que quedar na igrexa por mor da choiva. Ningún dos costaleiros que alí estaban recordaban unha semana santa na que a procesión tivo que quedar na casa. Pero este feito non impediu que o resto de procesións fosen seguidas por centos de fieis.
![A Dolorosa - Foto-Xusto Fisterra](/media/quepasanacosta/images/2011/04/25/A-Dolorosa-Foto-Xusto-Fisterra.jpg)
![Procesion da Dolorosa - Foto-Xusto Fisterra 2](/media/quepasanacosta/images/2011/04/25/Procesion-da-Dolorosa-Foto-Xusto-Fisterra-2.jpg)
A Resurrección
![Resurreccion - Foto-Xusto Fisterra 3](/media/quepasanacosta/images/2011/04/25/Resurreccion-Foto-Xusto-Fisterra-3.jpg)
Unha das citas máis singulares e seguidas das Festas do Cristo é a Representación da Resurrección de Cristo. O monte que hai ao carón da Igrexa de Santa María das Areas acolle a celebración. Ano tras ano, son centos de persoas as que se achegan ao lugar para ver a obra de teatro.
Pero non todo é tan feitiño como parece. Hai anos que desapareceu unha imaxe da Virxe de Pascua da representación. O Resucitao é agora a imaxe protagonista, ante o silencio de toda a parroquia fisterrá. Pero son moitos os romeiros que a poñen en falta, e que agardan que o crego lle devolva o seu protagonismo. Iso si, os fieis xa recuperaron unha frase antiquísima do anxo na Resurrección: "Satán ruje en las negruras"...
![Resurreccion - Foto-Xusto Fisterra](/media/quepasanacosta/images/2011/04/25/Resurreccion-Foto-Xusto-Fisterra.jpg)
Vídeo da Procesión da Veronica e o Nazareno
A Resurrección
Novas relacionadas
- “Feito a man” descobre as marabillas artesás da zona no Faro da Fin do Mundo.
- Festas do Santo Cristo 2010: Fisterra respirou espiritualidade.
- Festas do Santo Cristo 2010: A Panorama "montou un bo cristo" en Fisterra .
- Festas do Santo Cristo 2009: E Cristo resucitou en Fisterra.
- Festas do Santo Cristo 2009: De procesión na Semana Santa de Fisterra .
- Festas do Santo Cristo 2008: "A Semana Santa en Fisterra non se pode describir, hai que vela e vivila”.
Fonte
- Redacción de QPC ([email protected]).
- Fotos de Xusto Fisterra.