Venres. 29.03.2024
El tiempo

Kepa Junquera, namorado da “enerxía especial única” da Costa da Morte

Kepa Junquera, namorado da “enerxía especial única” da Costa da Morte
Kepa Junquera con Pazos de Merezo, na praia da Langosteira de Fisterra e cun percebeiro da Costa da Morte Kepa Junquera con Pazos de Merezo, na praia da Langosteira de Fisterra e cun percebeiro da Costa da Morte

Volveu. Porque Kepa Junquera, un dos acordeóns máis coñecidos da música folk internacional, está absolutamente namorado da Costa da Morte. Deixara unha máxina noite na aldea gala do Couto, e quedara definitivamente prendado da nosa bisbarra en 2013 cando coñeceu a Pazos de Merexo.

Precisamente a visita ao acordeonista máis famoso da comarca foi unha das paradas obrigatorias. Pazos e Kepa volveron fotografiarse e charlar despois da colaboración do muxián no disco “Galiza” que sacou o vasco en 2013.

Kepa fixo parada no Bela Muxía, onde Pepe, Anxo e Celia fixeron de inmellorables hóspedes. “Disfrutou como nunca da verdadeira Costa da morte”, destacou o propio Anxo Castro, que compartiu con el varias tardes. “Ademais, estou seguro de que vai volver, porque quedou enganchado. Xa quedara prendando de cando estivo con Pazos, ao que visitou outra vez, e desta volta non quería marchar, custoulle marchar pola sinxela razón de que estaba tranquilo, contento”, comenta un dos mellores anfitrións da Costa da Morte.

Kepa Junquera dende o Monte Facho vendo a costa muxiá Kepa Junquera dende o Monte Facho vendo a costa muxiá

Pero fixo moitas máis visitas, por exemplo estivo con Musical JR tocando as súas artesanais pandeiretas. Estivo comprobando o perigosísimo traballo dos percebeiros da zona (na foto o vemos con Sergio, fillo dun percebeiro muxián), e tamén visitou o cabo da fin da terra. “De visita en la Costa da Morte… sin lugar a dudas una zona con una energía muy especial y única... Graciñas por tanta hospitalidad y generosidad... Aupa Galiza!!!”, recoñecía o propio Kepa nas redes sociais.

Esperamos por velo, nalgún acto público musiqueiro, nas vindeiras datas.

Novas relacionadas

Máis artigos relacionados

Comentarios