Boas novas para a Axenda Sonora da Costa da Morte. A banda compostelá Bakin´Blues Band, con gran arraigo en Sardiñeiro, vén de ser nominada para os Premios Martín Códax da Música.

Longa traxectoria a desta banda, que ten en Sardiñeiro a súa casa. O enlace non é outro que Javi Turnes, e a hospitalidade da Costa da Morte. O profesor de Filosofía no IES Fernando Blanco, que tantas mentes novas ten cambiado, pon letras aos temazos de varios músicos de excelencia. Tato coa súa tan afiada como suave guitarra, o baixo sempre presente de David, os dedos do pianista arxentino Ale Casquero e a caña dos baterías Lucas Fernández ou Pablo Bárez, ademais desa máxica armónica tan costeira que ás veces se deixa ver nalgunha noite máxica de San Xoán de Rafa Mississipi, forman a banda. Un grupo que nos leva ao máis puro Chicago.

Participarán na categoría Blues, por suposto, e pelexarán polo galardón cos Cats and Monkeys e Víctor Aneiros.

Alégranos ver moitos nomes que teñen pasado polas nosas vilas, así que envíamos os nosos parabéns aos Bakin e ao resto de candidatos nas 18 categorías.

Un par cos Bakin'Blues

Aquí vos deixamos un par de probas da súa calidade, a primeira en Corcubión da man de El Sur se mueve:

Candidatos para os II Premios Martín Códax da Música 2014

Pop/Indie

Ataque Escampe.

Los Chavales.

Silvia Penide.

Rock

Cró!.

Narf Trío.

The Cornelius.

Blues/Funk/Soul

Bakin’ Blues Band.

Cats and Monkeys.

Víctor Aneiros.

Jazz/Músicas improvisadas

Felipe Villar Trío.

Sumrrá.

Xan Campos Trío.

Hip-Hop/Músicas urbanas

Aid Alonso.

Som do Galpom.

Wöyza.

Música Clásica/Contemporánea

Orquestra Vigo 430.

Samuel Diz.

Sounding Images.

Folque

Caxade.

Cuarteto Caramuxo.

Vaamonde, Lamas&Romero.

Música tradicional galega

Davide Salvado.

Malvela.

Treixadura.

Músicas do mundo

2uS.

Dos fíos invisibles chegan as cores.

Trilitrate.

Canción de autor

aCadaCanto.

Xoán Curiel.

Xoel López.

Música infantil

Golfiños.

Pablo Díaz e a Banda TIC TAC.

Xiqui Xoque Fiú Fiú!.

Electrónica

Chrysalid9.

Pálida.

Sub Rosa.

Metal

Aphonnic.

Machina.

Nao.

Reggae/Ska/Mestizaxe

Dakidarría.

Transilvanians.

Zamaramandi.

Orquestras/Grupos/Música de verbena

Claxxon.

Orquesta Los Satélites.

Orquestra Os Modernos.

Premio Organistrum Salas

Aturuxo.

Garufa Club.

Sala Capitol.

Premio Organistrum Festivais

Espazos Sonoros.

Festigal.

Festival Sinsal Son Estrella Galicia.

Premio Organistrum Espazos de Comunicación Musical

GZmúsica.

Planeta Furancho.

Tres peixes voando.

Votacións

Iníciase unha segunda quenda de votacións na que os socios e socias de Músicos ao Vivo escollerán aos premiados e premiadas de entre @s tres finalistas de cada categoría, de novo a través da web www.premiosmartincodaxdamusica.com.

O 17 de decembro saberemos cales son @s gañador@s dos II Premios Martín Códax da Música. Xa queda menos para a gran festa da música galega!!!

Máis información

• #premiosmartincodax @prmartincodax.
• Premios Martín Códax da Música.

Novas relacionadas

• Noite de San Xoán cos Bakin Blues no Ézaro.
• Artigos de Javi Turnes na Escarpadura.
• Entrevista con Javi Turnes: "Deixar a cultura en mans do estado é un erro”.

Fonte

• Redacción de QPC ([email protected]).