Os pais e nais de Fisterra aprenden a tratar a drogodepencia coa Cruz Vermella
07:37 21/11/16
Que importantes son estas citas escolares nas que as drogas se tratan con claridade. Non só para os alumnos, se non tamén para os pais e nais.
A Cruz Vermella de Vimianzo estivo o pasado venres no colexio Nosa Señora do Carmen, de Fisterra, para impartir unha charla de prevención de drogas dirixida aos pais e nais dos/as alumnos/as. Ademais de explicarlle os conceptos básicos en temas de drogodependencia e información xeral, transmitímoslles os factores de risco para os adolescentes e as medidas de protección que os pais e nais podían levar a cabo. A charla foi solicitada á Cruz Vermella de Vimianzo pola ANPA de dito colexio, debido á preocupación que o tema das drogas xera nos pais e nais dos/as rapaces.
