Venres. 02.12.2022
El tiempo

A Panadería Germán e Juan Luís Estévez reciben a 5ª estrella consecutiva do mundo do Pan

Rafael Castro colouse na paranderia German con Juan Luis Estevez
O panadeiro catalán Rafael Castro, á dereita, colouse, na panadería fisterrá para aprender con Juan Luís Estévez
A Panadería Germán e Juan Luís Estévez reciben a 5ª estrella consecutiva do mundo do Pan
Xa o pasado mes de setembro comprobamos como a Panadería Germán1887 de Fisterra, e o seu mestre panadeiro Juan Luís Estévez, se colaban entre as 3 mellores de Galicia e as 100 de España. Hoxe, o propio Estévez cóntanos que vén de recibir, por 5º ano consecutivo a Estrella DIR-Informática do Mundo do Pan, por parte de Panatics e a Ruta del Buen Pan 2022.

O panadeiro da fin do mundo mantense entre os 100 mellores panadeiros artesáns de toda España, leal a un produto “senporsen” natural e de calidade, apostando pola “gastronomía tradicional e saudable, adaptando o que facían os nosos avós aos tempos de agora, con ingredientes de Km.0, coa fariña de Carballo de Jesús Muíño, sans e sen químicos”. explica.

Unha panadería que aguanta a subida dos prezos das fariñas para intentar non repercutirllo á veciñanza, e un panadeiro que é consciente da importancia de ensinarlle ao mundo a través de internet, o que se fai. “As redes axudan moito a difundur”, recoñece Juan Luís, pero cómpre apuntar que sen un produto excelso e sen saber usalas, elas soas non fan nada.

A entrega da “estrella” terá lugar o vindeiro 14 de novembro na Feira Mediterránea Gastrónoma de Valencia.

Novas relacionadas

comentarios