Venres. 29.03.2024
El tiempo

Recortes no Areouta: “Espero que o PP aprobe a moción, pero tamén que levante o teléfono”

Concentracion CEIP Areouta contra os recortes 7
Recortes no Areouta: “Espero que o PP aprobe a moción, pero tamén que levante o teléfono”

Continúa a mobilización en Sardiñeiro arredor dos recortes no CEIP Areouta. Mentres a ANPA Arco Iris seguen concienciando a toda a veciñanza, o BNG presenta no pleno deste xoves unha moción para adoitar un acordo unánime das forzas políticas para apoiar as reivindicacións da ANPA e da dirección ante a “decisión da Xunta, por primeira vez en Galicia, de agrupar nunha soa aula tod@s os nen@s de Primaria.

Trala insatisfactoria reunión cos Xefes de Inspección da Consellería, á que non apareceron os responsables políticos, o pleno terá que pronunciarse.

A moción pide á Xunta que “tome en consideración o tempo excepcional que estamos a vivir do punto de vista sanitario, así coma a idoneidade pedagóxica, para reverter esta decisión de agrupar nunha única aula a dezaoito crianzas de idades comprendidas entre os 6 e os 12 anos, coa finalidade que as crianzas matriculadas podan recibir un ensino de calidade con garantías sanitarias, mantendo a distribución e agrupación adoptadas neste curso pasado”.

Parece evidente que todos os grupos apoiarán a moción, pero dende o BNG esperan que o PP, ademais de votar a favor, “levanten o teléfono e falan cos seus compañeiros de partido”, sinala o teniente de alcalde Kuka Sar.

NOVAS RELACIONADAS

 

Comentarios