Emotivo rescate o que protagonizaron esta semana os profesionais da Coordinadora para o Estudo de Mamíferos Mariños (CEMMA) coa colaboración de Buceo Finisterre. Os mergulladores fisterráns identificaban un golfño común que nadaba con problemas preto da vila fisterrá, pois tiña un corte na dorsal (sinalado na imaxe coa frecha vermella) e algo ao redor do corpo (coa frecha branca).

A unidade móbil do CEMMA desprazouse chegando xusto a tempo para coller o animal, cortar e retirar o obxecto, que resultou ser unha cinta plástica dura das que se utilizan para precintar. “O golfiño entrara polo medio dela, a modo de aro, pero ao chegar á aleta dorsal quedou retida e con cada movemento de natación da caudal íalle cortando pouco a pouco cara atrás, xa tiña cortado un 40% da dorsal”, explican. “O animal nadou con forza ao non ter os movementos limitados pola cinta e non foi posible aplicar ningún tratamento na ferida, pero coa auga do mar cicatrizará pronto”, avanzan con esperanza.

Novas relacionadas

• Agosto 2020: Unha balea boreal polo mar da fin da terra.
• Xuño 2020: Avistan o arroaz solitario pola ría de Muros e unha balea alibranca por Fisterra.
• Maio 20: Novos varamentos dunha tartaruga e un caldeirón nas praias de Carnota.
• Agosto 19: As baleas volven por Fisterra.
• Xullo 19: Unha viaxe polo mar de Fisterra con golfiños, candorcas, baleas alibrancas e tiburóns peregrinos.