Sábado. 21.09.2019
El tiempo

“Un concerto de Sés en Fisterra, ao lado da Langosteira, ten que ser maxia pura”

“Un concerto de Sés en Fisterra, ao lado da Langosteira, ten que ser maxia pura”
Socorro Insua o ano pasado na Festa da Anchoa Socorro Insua, unha das organizadoras o ano pasado na Festa da Anchoa

Este sábado 18 de agosto chega unha das citas máis auténticas da Axenda Sonora da Costa da Morte. A Festa Folk na Fin do Camiño cumple 18 anos, unha maioría de idade que lle chega en plena expansión, confirmando a de Fisterra como unha paradas ineludibles da temporada estival da música tradicional en Galicia.

Un festival que segue sendo de balde, organizado por unha Asociación sen ánimo de lucro, como é a Asociación Anchoa, chea de voluntarios con gañas de facer festa. Por iso a Asociación quere facer patente o seu agradecemento aos colaboradores, así como os veciños, ao comercio local e ao Concello de Fisterra así como á Concellería de Cultura.

Este ano son varias as novidades, como a aparición do vaso ecolóxico para as cañas (unha aposta pola redución de lixo que seguro se aumentará o vindeiro ano), e a foliada a partir das 17:00h, cando grupos locais de Fisterra armarán unha boa festa na rúa Escaselas. Mentres, os nenos poderán, durante toda a tarde, disfrutar dos inchables, dos obradoiros e da festa da escuma.

Pero ollo, que a troula na Anchoa comeza antes, ás 13:30h na sesión vermú, onde ademais de música cos Viqueiras de Ordes, haberá cabezudos (varios de Ordes e varios da casa) e tamén moita cousa para comer e beber a fartar.

Marisa Valle Roso estara con Ses en Fisterra Marisa Valle Roso estará con Sés en Fisterra

A partir das 22:00h comezan os pratos fortes, os concertos. Birimbao, que curiosamente se fundaron no ano 1999 como a Festa Folk, estréase na Anchoa, e lles fai moita ilusión vir.

De seguido estarán Os da Porfía, cos seus chalecos de cores, van sorprender coa súa revisión tradicional.

Unha das citas máis esperadas da noite é a chegada de Sés, na que será a primeira vez que actúa en Fisterra para todo o público. Unha visita moi esperada na vila do Cristo, e como comenta Socorro Insua, unha das organizadoras, “un concerto de Sés en Fisterra, ao lado da Langosteira, ten que ser maxia pura”. Sés vén con toda a banda (12 membros), e ademais vai traer a Marisa Valle Roso, unha cantante asturiana cunha potencia tremenda.

Porán o broche os extremeños “Los Niños de los Ojos Rojos”, outra banda que cumple este ano maioría de idade, e que xa estiveron na Anchoa substituíndo un grupo que non puidera vir, e foran un exitazo. Unha banda que fusiona ska, funki… e outros xéneros, e que presentan o seu último traballo, “Regreso á comarca”. De seguro que nos fan bailar.

Só falta consumir na cantina, e esquecer, nesta noite máxica, o botellón, pois é a meirande fonte de ingresos do festival, e significará que poderemos ter moitas máis Festas Folk na Fin do Camiño.

 

Domingo de música tradicional

As citas culturais non rematan aí, pois o domingo a Anchoa coorganiza co Concello o concerto presentación de “Mulleres de gargmalla” e “Maruxa das Cortellas”. A cita, que busca recuperar as nosas raíces e dinamizar o centro da vila, será o domingo 19 de agosto, ás 20:30 horas, na praza de Fisterra.

 

Novas relacionadas

https://quepasanacosta.gal/a-festa-folk-na-fin-do-camino-volve-as-orixes/

Comentarios