6 xogadoras costeiras na Selección Galega sub12

15:03 22/01/25
A revolución do FUTFEM na Costa da Morte simbolízase na posición de vangarda que temos no país a día de hoxe na canteira. En apenas 4 anos pasamos de 3 a máis de 25 equipos pertencentes a 20 clubs, o que dá conta do auxe da presenza feminina nos nosos campos.
Se o ano pasado a Selección Comarcal Sub11 quedaba campiona de Galicia, este ano esa situación de prevalencia nótase xa nas convocatorias para os adestramentos da Selección Galega sub-12 zona Norte.
Esta semana, ata 5 xogadoras da Costa da Morte participaron no adestramento:
- Noa, natural de Muxía que xoga no Bergantiños.
- Martina das Miúdas.
- Laura do Zas.
- Claudia do Corme.
- E a porteira Jimena Gordillo, das Escolas Deportivas Concello de Carnota.
- Falta na foto outra costeira: Noa Puga, natural de Coristanco que xoga no Luís Calvo.