As xogadoras do Fútbol Feminino costeiro, protagonistas do Álbum de Cromos
David Castro sacando as fotos as Miúdas
Segue sendo unha verdadeira revolución no fútbol da Costa a chegada do novo Álbum de Cromos das Estrelas da Costa que está poñendo en marcha QPC. Un álbum completísimo, co que queremos demostrar o potencial do noso deporte.
Unhas das protagonistas serán as nosas xogadoras dos equipos femininos da Costa. Bergantiños Feminino e As Miúdas tamén terán o seu espazo no álbum, como bravas estrelas que son.
A día de hoxe o equipo de QPC segue facendo as fotografías que servirán para os cromos, e pouco a pouco iremos avanzando novidades. Esta pasada fin de semana o fotógrafo David Castro estivo nas Eiroas, aproveitando para sacarlle as fotos aos dous equipos no marco dun derbi de pretemporada baixo un abafante sol, que remataba cun igualado empate a 2.
